- Сабийни джумушха джибер да, ызындан бар.
- Элиб деген, элге болушур.
- Ашлыкъ – бюртюкден, джюн – тюкден.
- Ёмюрлюк шохлукъну джел элтмез.
- Башланнган иш битер, къымылдагъан тиш тюшер.
- Сагъыш – къартлыкъгъа сюйюмчю.
- Зар адам ашынгы ашар, кесинги сатар.
- Къонакъ кёб келюучю юйню, къазаны отдан тюшмез.
- Кёбге таш атма.
- Дууулдаса – бал чибин, къонса – къара чибин.
- Шайтан алдады, тюзлюк къаргъады.
- Ач – эснер, ат – кишнер.
- Алгъанда – джууукъ, бергенде – джау.
- Ётюрюкден тюбю джокъ, кёлтюрюрге джиби джокъ.
- Хар зат кесини орнуна иги.
- Шапа кёб болса, аш татымсыз болур.
- Къызны минг тилер, бир алыр.
- Къобан да къуру да къобханлай турмайды, адам да къуру да патчахлай турмайды.
- Кёз – сюйген джерде, къол – ауругъан джерде.
- Рысхысына кёре, джаш ёсер, къышлыгъына кёре, мал ёсер.
- Тойгъан джерден туугъан джер игиди.
- Рысхы джалгъанды: келген да этер, кетген да этер.
- Эртде тургъан бла эртде юйленнген сокъуранмаз.
- Ётюрюкчюню шагъаты – къатында.
- Къонакъ болсанг, ийнакъ бол.
- Тюз сёз баргъан сууну тыяр.
- Байлыкъ келсе, акъыл кетер.
- Кёб джашагъан – кёб билир.
- Ётген ёмюр – акъгъан суу.
- Джашлыкъ этмеген, башлыкъ этмез.
- Ёлюр джаннга, ёкюл джокъ.
- Джерни букъусу кёкге къонмаз.
- Тай асырагъан, атха минер.
- Ауругъан – джашаудан умутчу.
- Джашны джигитлиги сорулур, къызны джигерлиги сорулур.
- Ат басханны джер билед.
- Адам туугъан джеринде, ит тойгъан джеринде.
- Ач отунчуну ачыуу – бурнунда.
- Атлыны ашхысы, ат тизгининден билинир
- Ётюрюкню къуйругъу – бир тутум.
- Аз сёлешген, къайгъысыз турур.
- Къая джолда джортма, ачыкъ сёзден къоркъма.
- Джашда акъыл джокъ, къартда къарыу джокъ.
- Шекер бла туз – бир болмаз, ушамагъан – юй болмаз.
- Дуния малгъа сатылма, кесингден телиге къатылма.
- Атадан ёксюз – бир ёксюз, анадан ёксюз – эки ёксюз.
- Байлыкъ адамны сокъур этер.
- Тилчиден кери бол.
- Эр сокъур болсун, къатын тилсиз болсун.
- Биреуге кёлтюрген таягъынг, кесинги башынга урур.