- Уясында не кёрсе, учханында аны этер.
- Термилгенинги табмазса, кюлгенинге тюберсе.
- Эшекни не къадар тюйсенг да, ат болмаз.
- Къарнынг бла ёч алма.
- Къыз тиширыу кеси юйюнде да къонакъды.
- Дуния малгъа сатылма, кесингден телиге къатылма.
- Ашын ашагъанынгы, башын да сыйла.
- Акъыллы – эл иеси, тели – эл баласы.
- Баш болса, бёрк табылыр.
- Билим къая тешер.
- Бети къызарыучу адамны, джюреги харам болмаз.
- Таула не мийик болсала да, аууш табылыр.
- Суугъа – таянма, джаугъа – ийнанма.
- Ата – билек, ана – джюрек!
- Кёзден кетген, кёлден да кетеди.
- Агъач халкъгъа алтынды, иссиликге салкъынды.
- Тамырсыз терекге таянма – джыгъылырса.
- Къартны сыйын кёрмеген, къартлыгъында сыйлы болмаз.
- Сёз – кюмюш, джыр – алтын.
- Аурууну келиую тынч, кетиую – къыйын.
- Къатыны харакетли болса, эри къымсыз болур.
- Ашда – бёрю, ишде – ёлю.
- Ат да турмайды бир териде.
- Бек анасы джыламаз.
- Ашлыкъ – бюртюкден, джюн – тюкден.
- Аш кетер да бет къалыр.
- Джырчы джырчыгъа – къарнаш.
- Керек ташны ауурлугъу джокъ.
- Арыгъан къош чамчы болур.
- Сабыр джетер муратха, сабырсыз къалыр уятха.
- Тюзлюк шохлукъну бегитир.
- Ашхы тенг джолгъа салыр, аман тенг джолдан тайдырыр.
- Ач да бол, токъ да бол – намысынга бек бол.
- Итли къонакъ джарашмаз.
- Таш ата билмеген, башына урур.
- Атлыны кёрсе, джаяуну буту талыр.
- Тойгъа барсанг, тоюб бар, эски тонунгу къоюб бар.
- Игини сыйлагъан адетди.
- Айырылмаз джууугъунга, унутмаз сёзню айтма.
- Джан саулукъ бермей, сан саулукъ бермезсе.
- Къонагъы джокъну – шоху джокъ.
- Эртде тургъан джылкъычыны эркек аты тай табар.
- Аманны эки битли тону болур, бирин сеннге кийдирир, бирин кеси киер.
- Хатерли къул болур.
- Сыфатында болмагъаны, суратында болмаз.
- Биреу ашаб къутулур, биреу джалаб тутулур.
- Миллетни бойну – базыкъ, аны бла кюрешген – джазыкъ.
- Къулакъдан эсе, кёзге ышан.
- Кёб джашагъан – кёб билир.
- «Ма», - дегенни билмесенг, «бер», - дегенни билмезсе.