- Болджал ишни бёрю ашар.
- Чыбыкълыкъда бюгюлмеген, къазыкълыкъда бюгюлмей эди.
- Ойнай-ойнай кёз чыгъар.
- Айырылмаз джууугъунга, унутмаз сёзню айтма.
- Тюзлюк тас болмайды.
- Биреуге аманлыкъ этиб, кесинге игилик табмазса.
- Ашлыкъ – бюртюкден, джюн – тюкден.
- Сакъалы текени да бар, мыйыгъы киштикни да бар.
- Тойгъан джерге джети къайт.
- Эки итни арасына сюек атма, эки адамны арасында сёз чыгъарма.
- Къошда джокъгъа – юлюш джокъ.
- Тура эдим джата, къайдан чыкъды хата?
- Тилчи тилден къаныкъмаз.
- Эрни эр этерик да, къара джер этерик да, тиширыуду.
- Адебни адебсизден юрен.
- Ётюрюкден тюбю джокъ, кёлтюрюрге джиби джокъ.
- Тамбла алтындан бюгюн багъыр ашхы.
- Хата – гитчеден.
- Тенгинг джокъ эсе – изле, бар эсе – сакъла!
- Мен да «сен», дейме, сен да «кесим», дейсе.
- Хатерли къул болур.
- Адебсиз адам – джюгенсиз ат.
- Джашны джигитлиги сорулур, къызны джигерлиги сорулур.
- Къонакъ хазыр болгъанлыкъгъа, къонакъбай хазыр тюлдю.
- Ишлегенден, къарагъан уста.
- Тойгъа алгъа да барма, тойда артха да къалма.
- Иги – алгъыш этер, аман – къаргъыш этер.
- Кёб джашагъан – кёб билир.
- Таукел къуру къалмаз.
- Сабий кёргенин унутмаз.
- Билген билмегенни юретген адетди.
- Уллу айтханны этмеген – уллаймаз.
- Сыфатында болмагъаны, суратында болмаз.
- Биреуню къыйынлыгъы бла кесинге джол ишлеме.
- Этни бети бла шорпасы.
- Кёпюр салгъан кеси ётер, уру къазгъан кеси кетер.
- Зар адамны насыбы болмаз.
- Чомарт къонакъ юй иесин сыйлар.
- Тёрени джагъы джокъ.
- Илму – джашауну джолу.
- Урама да – ёледи, сатама да – келеди.
- Къарнынг тойгъунчу аша да, белинг талгъынчы ишле.
- Билим къая тешер.
- Аякъларынгы джууургъанынга кёре узат.
- Байлыкъдан саулукъ ашхыды.
- Акъыл сабырлыкъ берир.
- Босагъа таш юйге кирмей эди, тыбыр таш эшикге чыкъмай эди.
- Юйюнгден чыкъдынг – кюнюнгден чыкъдынг.
- Ачлыкъда тары гырджын халыуадан татлы.
- Аш хазыр болса, иш харам болур.
