- Намысы джокъну – дуниясы джокъ.
- Тынгылагъан тынгы бузар.
- Ауурну тюбю бла, дженгилни башы бла джюрюген.
- Билим – акъылны чырагъы.
- Къазанны башы ачыкъ болса, итге уят керекди.
- Оюмсуз атлагъан, аджалсыз ёлюр.
- Окъумагъан сокъурду, сокъур ташха абыныр!
- Окъуусуз билим – джокъ, билимсиз кюнюнг – джокъ.
- Ашха уста, юйюнде болсун
- Юйюнг бла джау болгъандан эсе, элинг бла джау бол.
- Ариу сёзде ауруу джокъ.
- Къалгъан ишге къар джауар.
- Тойну къарнашы – харс, джырны къарнашы – эжиу.
- Тёрде – темир таякълы, къаяда – чыпчыкъ аякълы.
- Ана кёлю – балада, бала кёлю – талада.
- Билими азны – ауузунда кирит.
- Тюкюрюк баш джармаз, налат кёз чыгъармаз!
- Аман адам этегингден тутса, кес да къач.
- Хар адамгъа кеси миннген тау кибик.
- Аман хансны – урлугъу кёб.
- Ашхылыкъ джерде джатмайды, аманлыкъ суугъа батмайды.
- Адам къаллай бир ишленмесе, аллай бир кесин уллу кёреди.
- Акъыллы башны – тили къысха.
- Джахил болса анасы, не билликди баласы?
- Суу да къайтады чыкъгъан джерине.
- Узун джолну барсанг, бюгюн келирсе, къысха джолну барсанг, тамбла келирсе.
- Алим болгъандан эсе, адам болгъан къыйынды.
- Къайтырыкъ эшигинги, къаты уруб чыкъма.
- Адамны сабийин сюйген джюреги, бычакъча, джитиди.
- Кёрмегеннге кебек – танг, битмегеннге сакъал – танг.
- Мал тутхан – май джалар.
- Джашынгы кесинг юретмесенг, джашау юретир.
- Экеулен сёлеше тура эселе, орталарына барыб кирме.
- Кийимни бир кюнню аясанг, минг кюннге джарар.
- Ким бла джюрюсенг, аны кёзю бла кёрюнюрсе.
- Бюгюн дуния кибик, тамбла ахыратды.
- Элни кючю – эмеген.
- Айранны сюйген, ийнек тутар.
- Ашхы тенг джолгъа салыр, аман тенг джолдан тайдырыр.
- Хоншуну тауугъу къаз кёрюнюр, келини къыз кёрюнюр.
- Билмегенинги, билгеннге сор.
- Дууулдаса – бал чибин, къонса – къара чибин.
- Атлыны ашхысы, ат тизгининден билинир
- Къайгъыны сюйген, къайгъы табар.
- Биреуню эскиси биреуге джангы болмайды.
- Ишге юренсин къоллары, халкъ бла болсун джоллары.
- Адамны артындан къара сабан сюрме.
- Агъач халкъгъа алтынды, иссиликге салкъынды.
- Эртде тургъан бла эртде юйленнген сокъуранмаз.
- Тамбла алтындан бюгюн багъыр ашхы.
