- Атлыны кёрсе, джаяуну буту талыр.
- Кёлю джокъну – джолу джокъ.
- Эте билген, этген этеди, эте билмеген, юретген этеди!
- Окъуусуз билим – джокъ, билимсиз кюнюнг – джокъ.
- Къарын къуру болса, джюрек уру болур.
- Адамны джюреги нени кёрюрге сюйсе, кёзю да аны кёрюрге ёч болады.
- Ашыкъгъан cуу, тенгизге джетмез.
- Айырылгъанланы айю ашар, бёлюннгенлени бёрю ашар.
- Ашхы тенг джолгъа салыр, аман тенг джолдан тайдырыр.
- Аманнга игилик этсенг, юйюнге сау бармазса.
- Игилик игилик бла сингдирилиучю затды.
- Къолунгдан къуймакъ ашатсанг да, атаны борчундан къутулмазса.
- Джумушакъ терекни къурт ашар.
- Биреуню тёрюнден, кесинги эшик артынг игиди.
- Тил – миллетни джаны.
- Азыкъ аз болса, эртде орун сал.
- Акъыл къартда, джашда тюйюлдю – башдады.
- Чакъырылмай келген къонакъ сыйланмай кетер.
- Мал кёб болса, джууукъ кёб болур.
- Окъ къызбайны джокълайды.
- Чыкълы кюнде чыкъмагъан, чыкъса къуру кирмеген.
- Зар адамны насыбы болмаз.
- Джиби бир къат джетмей эди да, эки къат тарта эди.
- Хунаны тюбюн къазсанг, юсюнге ауар.
- Аман эсирсе, юйюн ояр.
- Къатыны харакетли болса, эри къымсыз болур.
- Байлыкъ адамны сокъур этер.
- Аман киши кеси юйюнде – къонакъ.
- Ашлыкъны арба юйге келтирир, чана базаргъа элтир.
- Арбаз сайлама да, хоншу сайла.
- Ашын ашагъанынгы, башын да сыйла.
- Ётюрюкню башын керти кесер.
- Тили узунну, намысы – къысха.
- Экеу тутушса, биреу джыгъылыр.
- От этилмеген джерден тютюн чыкъмайды.
- Тойну къарнашы – харс, джырны къарнашы – эжиу.
- Берекет берсин деген джерде, берекет болур.
- Юй кюйдю да, кюйюз чыкъды, ортасындан тюйюш чыкъды.
- Биреуге аманлыкъ этиб, кесинге игилик табмазса.
- Чомартха хар кюн да байрамды.
- Ауругъанны сау билмез, ач къарынны токъ билмез.
- Хоншуну тауугъу къаз кёрюнюр, келини къыз кёрюнюр.
- Юйюнгден чыкъдынг – кюнюнгден чыкъдынг.
- Ишни ахырын ойламай, аллын башлама.
- Билимден уллу байлыкъ джокъду.
- Бир абыннган – минг сюрюнюр.
- Бек анасы джыламаз.
- Биреуню къыйынлыгъы бла кесинге джол ишлеме.
- Элде адам къалмаса, ит тахтагъа минер.
- Сакъламагъан затынга джолукъсанг, не бек къууанаса, не бек ачыйса.