- Сакъламагъан затынга джолукъсанг, не бек къууанаса, не бек ачыйса.
- Айтылгъан сёз ызына къайтмаз.
- Нёгерсизни джолу узун.
- Ёлген аслан – сау чычхан.
- Сабий болмагъан джерде, мёлек болмаз.
- Джерни букъусу кёкге къонмаз.
- Ишни аллы бла къууанма да, арты бла къууан.
- Къазанчы аман болса, къазаны къайнамаз.
- Аллахха ийнаннган кишини, Аллах онгдурур ишин.
- Уллу къазанда бишген эт, чий къалмаз.
- Байдан умут эте, джарлыдан ёгюз багъасы къорады.
- Миллетни бойну – базыкъ, аны бла кюрешген – джазыкъ.
- Акъыл сабырлыкъ берир.
- Арба аугъандан сора, джол кёргюзтюучю кёб болур.
- Эллинг бла джау болсанг да, юйюнг бла джау болма.
- Къазанда болса, чолпугъа чыгъар.
- Ёпкелегенни ашы татлы болады.
- Юре билмеген ит, къонакъ келтирир.
- Керти сёзге тёре джокъ.
- Сабийликде юретмесенг, уллу болса – тюзелмез.
- Къайгъыны сюйген, къайгъы табар.
- Айырылмаз джууугъунга, унутмаз сёзню айтма.
- Огъурлуну сёзю – суу, огъурсузну сёзю – уу.
- Кийимни бичсенг, кенг бич, тар этген къыйын тюлдю.
- Ариу – кёзге, акъыл – джюрекге.
- Къолу уллу – асыу, аягъы уллу – джарсыу.
- Джукъу тёшек сайламайды.
- Артына баргъанны, къатына барма.
- Билеги кючлю, бирни джыгъар, билими кючлю, мингни джыгъар.
- Иги болса, тамадама – махтау, аман болса, меннге – айыб.
- Гугурук къычырмаса да, тангны атары къалмаз.
- Аман адам элни бир-бирине джау этер.
- Ач, тоймам, дейди, тойгъан, ач болмам, дейди.
- Джыйырма къойну юч джыйырма эбзе кюте эди.
- Акъыллы башны – тили къысха.
- Къонакъ кёб келюучю юйню, къазаны отдан тюшмез.
- Джуртун къоругъан озар.
- Эрине къаргъыш этген къатын, эрнин къабар.
- Дуния малгъа сатылма, кесингден телиге къатылма.
- Эр абынмай, эл танымаз.
- Aдам боллукъ, сыфатындан белгили.
- Айранын берсенг, челегин да къызгъанма.
- Ачлыкъда тары гырджын халыуадан татлы.
- Сескекли кесин билдирир.
- Кимни – тили, тиши онглу, кимни – къолу, иши онглу.
- Оюмсуз атлагъан, аджалсыз ёлюр.
- Тёрдеги кюлсе, эшикдеги ышарыр.
- Чакъырылмагъан къонакъ – орунсуз.
- Ачлыкъ отха секиртир.
- Иги – алгъыш этер, аман – къаргъыш этер.
