- Юйюнгден чыкъдынг – кюнюнгден чыкъдынг.
- Бети – къучакълар, джюреги – бычакълар.
- Къартха ушагъан джаш – акъыллы, джашха ушагъан къарт – тели.
- Къонакъ кёб келюучю юйню, къазаны отдан тюшмез.
- Аман адам элни бир-бирине джау этер.
- Рысхы джалгъанды: келген да этер, кетген да этер.
- Чомарт къонакъ юй иесин сыйлар.
- Чакъырылмагъан къонакъ – орунсуз.
- Таукел тауну аудурур.
- Ишлегенде эринме, ишде чолакъ кёрюнме.
- Танг атмайма десе да, кюн къоярыкъ тюйюлдю.
- Намысы джокъну – дуниясы джокъ.
- Джырына кёре эжиую.
- Башланнган иш битер, къымылдагъан тиш тюшер.
- Тенги кёбню джау алмаз, акъылы кёбню дау алмаз.
- Миллетни бойну – базыкъ, аны бла кюрешген – джазыкъ.
- Ойнай-ойнай кёз чыгъар.
- Аз айтсам, кёб ангылагъыз.
- Ашхылыкъ джерде джатмайды, аманлыкъ суугъа батмайды.
- Къазанда болса, чолпугъа чыгъар.
- Мухар, кеси тойса да, кёзю тоймаз.
- Джеринден айырылгъан – джети джылар, джуртундан айырылгъан – ёлгюнчю джылар.
- Эки къатын алгъан – эки ташны ортасына башын салгъан.
- Келлик заман – къартлыкъ келтирир, кетген заман – джашлыкъ ёлтюрюр.
- Кёбге таш атма.
- Артына баргъанны, къатына барма.
- От этилмеген джерден тютюн чыкъмайды.
- Эринчекни эр алмаз, эр алса да, кёл салмаз, кёл салса да, кёб бармаз!
- Эл элде бирер малынг болгъандан эсе, бирер тенгинг болсун.
- Джашлыкъ этмеген, башлыкъ этмез.
- Къартны сыйын кёрмеген, къартлыгъында сыйлы болмаз.
- Тёрени джагъы джокъ.
- Намысы болмагъанны, сыйы болмаз.
- Джашны джигитлиги сорулур, къызны джигерлиги сорулур.
- Джырчы джырчыгъа – къарнаш.
- Садакъачыны джаны – къапчыгъында.
- Ёлген аслан – сау чычхан.
- Соргъан айыб тюлдю, билмеген айыбды.
- Ата – баланы уясы.
- Тамырсыз терекге таянма – джыгъылырса.
- Уллу сёзде уят джокъ.
- Тилсиз миллет джокъ болур.
- Ашыкъгъанны этеги бутуна чырмалыр.
- Халкъны юйю – туугъан джери.
- Эл ауузу – элек, анга ийнаннган – халек.
- Эрни эр этерик да, къара джер этерик да, тиширыуду.
- Тешигини къатында, чычхан да батыр болур.
- Эки элинги тыйсанг, джети элде махталырса.
- Ашда уялгъан – мухар, ишде уялгъан – хомух.
- Босагъа таш юйге кирмей эди, тыбыр таш эшикге чыкъмай эди.
