- Махтаннган къыз, тойда джукълар.
- Кёбню кёрген – кёб билир.
- Джыланны къуйругъундан басарынг келсе, аны башы болгъанын унутма.
- Зарда марда джокъ.
- Тилде сюек болмаса да, сюек сындырыр.
- Къазанда болса, чолпугъа чыгъар.
- Арыгъан къош чамчы болур.
- Чакъырылмагъан къонакъ къачан кетерин сормаз.
- Къарнынг бла ёч алма.
- Ёксюзню къалачы уллу кёрюнюр.
- Хар адамгъа кеси миннген тау кибик.
- Нёгер болсанг, тенг бол, тенг болмасанг, кенг бол.
- Айныгъанлы алты кюн, тогъайгъанлы тогъуз кюн.
- Ашхы адам – халкъ байлыгъы, ашхы джер – джашау байлыгъы.
- Намыс сатылыб алынмайды.
- Чакъырылгъанны аты, чакъырылмагъанны багъасы болур.
- Бек анасы джыламаз.
- Рысхысына кёре, джаш ёсер, къышлыгъына кёре, мал ёсер.
- Бал чибинни ургъаны – ачы, балы – татлы.
- Азыкълы ат арымаз, къатыны аман джарымаз.
- Къонакъ аз олтурур, кёб сынар.
- Гугурук къычырмаса да, тангны атары къалмаз.
- Юйюнг бла джау болгъандан эсе, элинг бла джау бол.
- Къызбайны юйюне дери сюрсенг, батыр болур.
- Ашхы тенг джолгъа салыр, аман тенг джолдан тайдырыр.
- Къайгъы тюбю – тенгиз.
- Азыкъ аз болса, эртде орун сал.
- Къатын къылыкъсыз, эр тынчлыкъсыз.
- Эркишини аманы тиширыуну джылатыр.
- Билимсиз иш бармаз.
- Ашда – бёрю, ишде – ёлю.
- Джюрекден джюрекге джол барды.
- Акъыл аздырмаз, билим тоздурмаз.
- Эл ауузу – элия.
- Нёгерсизни джолу узун.
- Кюл тюбюндеги от кёрюнмейди.
- Халкъны джырын джырласанг, халкъ санга эжиу этер.
- Эртде тургъан джылкъычыны эркек аты тай табар.
- Хар сёзню орну барды.
- Ана кёлю – балада, бала кёлю – талада.
- Адеб базарда сатылмаз.
- Таш ата билмеген, башына урур.
- Аз сёлеш, кёб ишле.
- Аууздан келген, къолдан келсе, ким да патчах болур эди.
- Таукел къуру къалмаз.
- Кийимни бичсенг, кенг бич, тар этген къыйын тюлдю.
- Аманнга алтын чыдамаз.
- Шекер бла туз – бир болмаз, ушамагъан – юй болмаз.
- Аманны эки битли тону болур, бирин сеннге кийдирир, бирин кеси киер.
- Джаханимни кёрмей, джандетге кёл салмазса.