- Акъыллы башны – тили къысха.
- Джыйырма къойну юч джыйырма эбзе кюте эди.
- Ашыкъгъанны этеги бутуна чырмалыр.
- Чакъырылмагъан джерге барма, чакъырылгъан джерден къалма.
- Джарлы джети элни сёзюн этер.
- Эринчекни аурууу – кёб.
- Тёрде – темир таякълы, къаяда – чыпчыкъ аякълы.
- Зар адамны насыбы болмаз.
- Окъуу – билимни ачхычы, окъуу – дунияны бачхычы.
- Шайтан алдады, тюзлюк къаргъады.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Джюрекден джюрекге джол барды.
- Ёмюрлюк шохлукъну джел элтмез.
- Таукел къуру къалмаз.
- Хар зат кесини орнуна иги.
- Къонакъ болсанг, ийнакъ бол.
- Эринчекни эр алмаз, эр алса да, кёл салмаз, кёл салса да, кёб бармаз!
- Къызгъанчдан ычхыныр, мухардан ычхынмаз.
- Къоркъакъны кёзю экили кёрюр.
- Чыкълы кюнде чыкъмагъан, чыкъса къуру кирмеген.
- Тойгъан антын унутур.
- Ана къолу ачытмаз.
- Чомарт бергенин айтмаз.
- Джетген къыз джерли эшекни танымаз.
- Миллетни бойну – базыкъ, аны бла кюрешген – джазыкъ.
- Хар сёзню орну барды.
- Джеринден айырылгъан – джети джылар, джуртундан айырылгъан – ёлгюнчю джылар.
- Киштикге къанат битсе, чыпчыкъ къалмаз эди.
- Болджал ишни бёрю ашар.
- Ханы къызы буюгъа-буюгъа киштик болду.
- Къыйынлы джети элни къайгъысын этер.
- Чыбыкълыкъда бюгюлмеген, къазыкълыкъда бюгюлмей эди.
- Гугурук къычырмаса да, тангны атары къалмаз.
- Ачлыкъда тары гырджын халыуадан татлы.
- Ойнай билмеген, оюн бузар.
- Къатыны харакетли болса, эри къымсыз болур.
- Аманнга алтын чыдамаз.
- Аз сёлеш, кёб ишле.
- Сёлеш деб шай берген, тохта деб, сом берген.
- Баш – акъыл ючюн, акъылман – халкъ ючюн.
- Элиб деген, элге болушур.
- Къарнынг тойгъунчу аша да, белинг талгъынчы ишле.
- Адеб базарда сатылмаз.
- Бал чибинни ургъаны – ачы, балы – татлы.
- Адебни адебсизден юрен.
- Этим кетсе да, сюегим къалыр.
- Джаным-тиним – окъуу, билим.
- Ачыу алгъа келсе, акъыл артха къалады.
- Кийимни бир кюнню аясанг, минг кюннге джарар.
- Биреу ашаб къутулур, биреу джалаб тутулур.