- Керек ташны ауурлугъу джокъ.
- Ачны эсинде – аш.
- Мал тутхан – май джалар.
- Джукъу тёшек сайламайды.
- Къарнынг къанлынга кийирир.
- Чёбню кёлтюрсенг, тюбюнден сёз чыгъар.
- Ишин билген, аны сыйын чыгъарады.
- Сёз сёзню айтдырыр.
- Къумурсхала джыйылсала, пилни да джыгъадыла.
- Аман хансны – урлугъу кёб.
- Тюзлюк шохлукъну бегитир.
- Экеу тутушса, биреу джыгъылыр.
- Чакъырылмай келген къонакъ сыйланмай кетер.
- Ана къойну – балагъа джандет.
- Ашха уста, юйюнде болсун
- Игилик игилик бла сингдирилиучю затды.
- Билим – акъылны чырагъы.
- Къаллай салам берсенг, аллай джууаб алырса.
- Къошда джокъгъа – юлюш джокъ.
- Биреуню эскиси биреуге джангы болмайды.
- Керти сёзге тёре джокъ.
- Джарлыны тону джаз битер.
- Битмегеннге сакъал – танг.
- Джан саулукъ бермей, сан саулукъ бермезсе.
- Къазанда болса, чолпугъа чыгъар.
- Душманны тышы – акъ, ичи – къара.
- Эл ауузу – элия.
- Джашлыкъ этмеген, башлыкъ этмез.
- Адамны артындан къара сабан сюрме.
- Ат да турмайды бир териде.
- Тин – байлыгъынг, терен саулугъунг.
- Этим кетсе да, сюегим къалыр.
- Намысы джокъну – дуниясы джокъ.
- Ичимден чыкъды хата, къайры барайым сата?
- Къонакъны къачан кетерин сорма, къачан келлигин сор.
- Адеб этмеген, адеб кёрмез.
- Ачлыкъда тары гырджын халыуадан татлы.
- Билмегенинги, билгеннге сор.
- Къыз тиширыу кеси юйюнде да къонакъды.
- Тил бла келеди джыр да.
- Айранны сюйген, ийнек тутар.
- Арбаз сайлама да, хоншу сайла.
- Кёб къычыргъандан – къоркъма, тынч олтургъандан – къоркъ.
- Ёксюзню тилеги къабыл болур.
- Джумушакъ сёз къаты таякъны сындырыр.
- Ауурну тюбю бла, дженгилни башы бла джюрюген.
- Сакъламагъан затынга джолукъсанг, не бек къууанаса, не бек ачыйса.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Бичгенде ашыкъма, тикгенде ашыкъ.
- Атадан ёксюз – бир ёксюз, анадан ёксюз – эки ёксюз.