- Огъурлуну сёзю – суу, огъурсузну сёзю – уу.
- Тенгинг джокъ эсе – изле, бар эсе – сакъла!
- Аш хазыр болса, иш харам болур.
- Тёрде – темир таякълы, къаяда – чыпчыкъ аякълы.
- Кеси юйюмде мен да ханма.
- Оюмсуз атлагъан, аджалсыз ёлюр.
- Сакъалы текени да бар, мыйыгъы киштикни да бар.
- Чомарт къолда мал къалмаз.
- Айтылгъан сёз ызына къайтмаз.
- Тик ёргени, тик энгишгеси да болады.
- Юйюнг бла джау болгъандан эсе, элинг бла джау бол.
- Аджал соруб келмез, келсе, къайтыб кетмез.
- Аманны тукъумуна къарама, игини тукъумун сорма.
- Ач бёрюге мекям джокъ.
- Эри аманны, къатыны – аман.
- Эки къатын алгъан – эки ташны ортасына башын салгъан.
- Ач, тоймам, дейди, тойгъан, ач болмам, дейди.
- Миллетни бойну – базыкъ, аны бла кюрешген – джазыкъ.
- Гырджын – тепсини тамадасы.
- Къайгъыны сюйген, къайгъы табар.
- Арпа, будай – ащды, алтын, кюмюш а – ташды.
- Олтуруб кёрюнмей эди да, ёрге туруб кёрюне эди.
- Ашыкъгъан cуу, тенгизге джетмез.
- Келинин тута билмеген, къул этер, къызын тута билмеген, тул этер.
- Адамгъа аман кюн соруб келмейди.
- Байлыкъ болгъан джерде, тынчлыкъ джокъду.
- Ач къарынны, токъ билмез
- Уллу сёзде уят джокъ.
- Джарлы тюеге минсе да, ит къабар.
- Терек ауса, отунчу – кёб.
- Нёгер болсанг, тенг бол, тенг болмасанг, кенг бол.
- Адеб базарда сатылмаз.
- Къыз чыгъаргъан – къызыл къымжа.
- Тамчы таш тешер.
- Ашда уялгъан – мухар, ишде уялгъан – хомух.
- Джигер – джаннга къыйынлыкъ.
- Джахил болса анасы, не билликди баласы?
- Ёгюзню мюйюзлери ауурлукъ этмейдиле.
- Тешик этген тынчды, аны джамагъан къыйынды.
- Айырылгъанланы айю ашар, бёлюннгенлени бёрю ашар.
- Рысхы джалгъанды: келген да этер, кетген да этер.
- Ётген ёмюр – акъгъан суу.
- Къая джолда джортма, ачыкъ сёзден къоркъма.
- Айырылмаз джууугъунга, унутмаз сёзню айтма.
- Чомарт джарлы болмаз.
- Тойгъан антын унутур.
- Босагъагъа джууукъ орун болса, ашыгъыб тёрге озма.
- Чоюнну башы ачыкъ болса, итге уят керекди.
- Таукел тауну аудурур.
- Хата – гитчеден.