- Борчунг бар эсе, хурджунунга ойлаб узал.
- Арпа, будай – ащды, алтын, кюмюш а – ташды.
- Тин – байлыгъынг, терен саулугъунг.
- Тёзгеннге, джабылгъан эшик ачылыр.
- Суу кетер, таш къалыр.
- Сёз къанатсыз учар.
- Билим къая тешер.
- Рысхы джалгъанды: келген да этер, кетген да этер.
- Эркишиге тары кебек танг кёрюнюр.
- Итли къонакъ джарашмаз.
- Уллу къазанда бишген эт, чий къалмаз.
- Тил – кесген бычакъ, сёз – атылгъан окъ.
- Дуния малгъа сатылма, кесингден телиге къатылма.
- Этек чакъмакълары баш джаргъан, сёлешген сёзлери таш джаргъан.
- Адамгъа аман кюн соруб келмейди.
- Къалгъан ишге къар джауар.
- Къызын тута билмеген, тул этер, джашын тута билмеген, къул этер.
- Сыфатында болмагъаны, суратында болмаз.
- Абынмазлыкъ аякъ джокъ, джангылмазлыкъ джаякъ джокъ.
- Сагъышы джокъ – джукъучу, акъылы джокъ – къаугъачы.
- Хатерли къул болур.
- Кёпюр салгъан кеси ётер, уру къазгъан кеси кетер.
- Къызны минг тилер, бир алыр.
- Ашхы болсанг, атынг чыгъар, аман болсанг, джанынг чыгъар.
- Аш кетер да бет къалыр.
- Байлыкъ келсе, акъыл кетер.
- Тойгъанлыкъ къойгъа джарашады.
- Таякъ этден ётер, тил сюекден ётер.
- Сабийни джумушха джибер да, ызындан бар.
- Чыбыкълыкъда бюгюлмеген, къазыкълыкъда бюгюлмей эди.
- Тамчы таш тешер.
- Къыйынлы джети элге оноу этер.
- Танг атмайма десе да, кюн къоярыкъ тюйюлдю.
- Орну джокъну – сыйы джокъ.
- Джаным-тиним – окъуу, билим.
- Кютгени беш эчки, сызгъыргъаны уа, джерни джарады.
- Къонагъынгы артмагъын алма да, алгъышын ал.
- Таукел къуру къалмаз.
- Башы джабылгъан челекге, кир тюшмез.
- Хансыз джомакъ болмаз.
- Сагъыш – къартлыкъгъа сюйюмчю.
- Бир онгсуз адам адет чыгъарды, деб эштирик тюлсе.
- Ата – баланы уясы.
- Къатын байлыкъны сюер, эр саулукъну сюер.
- Билмезни кёзю кёрмез, этмезни къулагъы эшитмез.
- Тойгъан джерден туугъан джер игиди.
- Ариу сёз – къылычдан джити.
- Эркиши – от, тиширыу – суу.
- Кесине гебен этелмеген, биреуге черен эте эди.
- Ачыу алгъа келсе, акъыл артха къалады.