Эльбрусоид :: Эльбрусоид

Джыгъылгъанны сырты джерден тоймаз.
От кюйдюрген, сау болса да, тот кюйдюрген, сау болмаз.
Насыблыны баласы кюн кюнден да баш болур, насыбсызны баласы, кюн кюнден да джаш болур.
Кёзюнде тереги болгъан, чёбю болгъаннга кюле эди.
Эркишиге тары кебек танг кёрюнюр.
Ат да турмайды бир териде.
Юй кюйдю да, кюйюз чыкъды, ортасындан тюйюш чыкъды.
Ёксюзню тилеги къабыл болур.
Тилде сюек болмаса да, сюек сындырыр.
Ишленмеген джаш – джюгенсиз ат, ишленмеген къыз – тузсуз хант.
Аджашхан тёгерек айланыр.
Тил – кесген бычакъ, сёз – атылгъан окъ.
Азыкълы ат арымаз, къатыны аман джарымаз.
Алим болгъандан эсе, адам болгъан къыйынды.
Эм ашхы къайын ана мамукъ бла башынгы тешер.
Билими азны – ауузунда кирит.
Келлик заман – къартлыкъ келтирир, кетген заман – джашлыкъ ёлтюрюр.
Зар адамны насыбы болмаз.
Уллу айтханны этмеген – уллаймаз.
Рысхысына кёре, джаш ёсер, къышлыгъына кёре, мал ёсер.
Ауругъан – джашаудан умутчу.
Аллахдан тилесенг, кёб тиле.
Тин – байлыгъынг, терен саулугъунг.
Къайгъыны сюйген, къайгъы табар.
Рысхы джалгъанды: келген да этер, кетген да этер.
Киштикге къанат битсе, чыпчыкъ къалмаз эди.
Къонакъ кёб келюучю юйню, къазаны отдан тюшмез.
Кёкдеги болмаса, джердегин кёрмейди.
Ёгюзню мюйюзлери ауурлукъ этмейдиле.
Аман адамны тепсинге олтуртсанг, къызынгы тилер.
Чомартха хар кюн да байрамды.
«Ма», - дегенни билмесенг, «бер», - дегенни билмезсе.
Ёнгкюч къууана барыр, джылай келир.
Чабакъ башындан чирийди.
Керти сёзге тёре джокъ.
Аз сёлешген, къайгъысыз турур.
Ана – юйню кюн джарыгъы.
Танг атмайма десе да, кюн къоярыкъ тюйюлдю.
Урунуу – насыбны анасы.
Къозулугъунда тоймагъан, къойлугъунда тоймаз.
Джангыз торгъай джырламаз.
Дуния мал дунияда къалады.
Тюзню ётмеги тюзде къалса да, тас болмаз.
Байны оноуу, джарлыгъа джарамаз.
Аш хазыр болса, иш харам болур.
Джарлы джети элни сёзюн этер.
Азыкъ аз болса, эртде орун сал.
Ашхы атаны – джашы ашхы, ашхы ананы – къызы ашхы.
Къызны минг тилер, бир алыр.
Чомарт къолда мал къалмаз.