- Ашыкъгъан cуу, тенгизге джетмез.
- Ариу джол аджал келтирмез.
- Билим – акъылны чырагъы.
- Эл бла кёргенинг эрелей.
- Тели турса – той бузар.
- Ёлген ийнек сютлю болур.
- Джумушакъ терекни къурт ашар.
- Кийим тукъум сордурур.
- Ишленмеклик адамлыкъды.
- Зар адам ашынгы ашар, кесинги сатар.
- Иги сёз – джаннга азыкъ, аман сёз башха – къазыкъ.
- Эрине къаргъыш этген къатын, эрнин къабар.
- Ишге юренсин къоллары, халкъ бла болсун джоллары.
- Бичгенде ашыкъма, тикгенде ашыкъ.
- Джашлыкъ этмеген, башлыкъ этмез.
- Берекет берсин деген джерде, берекет болур.
- От кюйдюрген, сау болса да, тот кюйдюрген, сау болмаз.
- Мураты болгъанны джюрек тебюую башхады.
- Адам къыйынлыгъын кёлтюрюр, зауукълугъун кёлтюрмез.
- Аманнга алтын чыдамаз.
- Къанны къан бла джуума, аманны аман бла къуума.
- Этим кетсе да, сюегим къалыр.
- Таш ата билмеген, башына урур.
- Уллу къашыкъ эрин джыртар.
- Таукел адам тау тешер.
- Чыбыкълыкъда бюгюлмеген, къазыкълыкъда бюгюлмей эди.
- Къобан да къуру да къобханлай турмайды, адам да къуру да патчахлай турмайды.
- Эм ашхы къайын ана мамукъ бла башынгы тешер.
- Айырылгъанланы айю ашар, бёлюннгенлени бёрю ашар.
- Джахил болса анасы, не билликди баласы?
- Кёб джат да, бек чаб.
- Ёлюр джаннга, ёкюл джокъ.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Ач къарным, тынч къулагъым.
- Чакъырылмагъан къонакъ тёрге атламаз.
- Тилчи тилден къаныкъмаз.
- Къыз чыгъаргъан – къызыл къымжа.
- Адеб базарда сатылмаз.
- Аш кетер да бет къалыр.
- Кенгеш болса, уруш болмаз.
- Джуртун къоругъан озар.
- Джиби бир къат джетмей эди да, эки къат тарта эди.
- Байлыкъ келсе, акъыл кетер.
- Кёб джашагъан – кёб билир.
- Aдам боллукъ, сыфатындан белгили.
- Эркишини аманы тиширыуну джылатыр.
- Кёб ант этген, кёб ётюрюк айтыр.
- Башы ишлегенни, ауузу да ишлер.
- Тили узунну, намысы – къысха.
- Таш бла ургъанны, аш бла ур.
A
|