- Гугук кесини атын айтыб къычыргъанча, мен, мен деб нек тураса?
- Тюзлюк тас болмайды.
- Ишлерге уял да, ашаргъа табма.
- Ашыкъгъан cуу, тенгизге джетмез.
- Бир абыннган – минг сюрюнюр.
- Бозанг болмагъан джерге, къалагъынгы сукъма.
- Таш ата билмеген, башына урур.
- Джумушакъ сёз къаты таякъны сындырыр.
- Къарнынг къанлынга кийирир.
- Къыз тиширыу кеси юйюнде да къонакъды.
- Джашынгы кесинг юретмесенг, джашау юретир.
- Харам къарнашдан, халал тенг ашхы.
- Адам сёзге тынгыла, акъыл сёзню ангыла.
- Аз сёлешген, къайгъысыз турур.
- Ашхы – джыяр, аман – джояр.
- Тойну къарнашы – харс, джырны къарнашы – эжиу.
- Башланнган иш битер, къымылдагъан тиш тюшер.
- Джиби бир къат джетмей эди да, эки къат тарта эди.
- Ёзденликни джайгъан – джокълукъ.
- Гугурук къычырмаса да, тангны атары къалмаз.
- Билимли ёлмез, билимсиз кёрмез.
- Къонакъ кёб келюучю юйню, къазаны отдан тюшмез.
- Мен да «сен», дейме, сен да «кесим», дейсе.
- Аууз сакълагъан – джан сакълар.
- Бети бедерден, намыс сакълама.
- Джыйырма къойну юч джыйырма эбзе кюте эди.
- Керилген да, ургъан кибикди.
- Байлыкъдан саулукъ ашхыды.
- Адамгъа аман кюн соруб келмейди.
- Джарлыны тону джаз битер.
- Ургъан суудан башынгы сакъла.
- Окъ къызбайны джокълайды.
- Хата – гитчеден.
- Джангыз торгъай джырламаз.
- Кийиминг бла танылма, адамлыкъ бла таныл.
- Магъанасыз сёз – тауушсуз сыбызгъы.
- Окъуу – билимни ачхычы, окъуу – дунияны бачхычы.
- Байдан умут эте, джарлыдан ёгюз багъасы къорады.
- Чакъырылмагъан джерге барма, чакъырылгъан джерден къалма.
- Ётюрюк хапар аякъ тюбю бла джюрюйдю.
- Джол бла сёзню къыйыры джокъ.
- Эри аманны, къатыны – аман.
- Келинни – келгинчи, бёркню кийгинчи кёр.
- Битмегеннге сакъал – танг.
- Суу ичген шауданынга тюкюрме.
- Адамны джюреги нени кёрюрге сюйсе, кёзю да аны кёрюрге ёч болады.
- Ауузу аманнга «иги», деме.
- Сакъ юйюне сау барыр.
- Адамны сабийин сюйген джюреги, бычакъча, джитиди.
- Ауурну тюбю бла, дженгилни башы бла джюрюген.
