- Кимни – тили, тиши онглу, кимни – къолу, иши онглу.
- Адеб этмеген, адеб кёрмез.
- Тулпарлыкъ, билекден тюл – джюрекден.
- Къайгъыны сюйген, къайгъы табар.
- Сёз къанатсыз учар.
- Ашхы – джыяр, аман – джояр.
- Аш хазыр болса, иш харам болур.
- Къазанчы аман болса, къазаны къайнамаз.
- Атадан ёксюз – бир ёксюз, анадан ёксюз – эки ёксюз.
- Къонакъны къачан кетерин сорма, къачан келлигин сор.
- Махтаннган къыз, тойда джукълар.
- Билим – акъылны чырагъы.
- Таш ата билмеген, башына урур.
- Эл ауузу – элия.
- Джахил болса анасы, не билликди баласы?
- Байлыкъ тауусулур, билим тауусулмаз.
- Адам сёзге тынгыла, акъыл сёзню ангыла.
- Ёпкелегенни ашы татлы болады.
- Эллинг бла джау болсанг да, юйюнг бла джау болма.
- Зар адамны насыбы болмаз.
- Иги джашны ышаны – аз сёлешиб, кёб тынгылар.
- Суу да къайтады чыкъгъан джерине.
- Сыфатында болмагъаны, суратында болмаз.
- Къыз тиширыу кеси юйюнде да къонакъды.
- Башы джабылгъан челекге, кир тюшмез.
- Къалгъан ишге къар джауар.
- Джылкъыдан – ат чыгъар, тукъумдан – джаш чыгъар.
- Ашлыкъны арба юйге келтирир, чана базаргъа элтир.
- Эр сокъур болсун, къатын тилсиз болсун.
- Ауругъанны сау билмез, ач къарынны токъ билмез.
- Джюрекден джюрекге джол барды.
- Ариу сёз – къылычдан джити.
- Айтханы чапыракъдан ётмеген.
- Эр абынмай, эл танымаз.
- Къуру гыбыт бек дыгъырдар.
- Иги адам абынса да, джангылмаз.
- Эри аманны, къатыны – аман.
- Адеб джокъда, намыс джокъ.
- Азыкъ аз болса, эртде орун сал.
- Джумушакъ сёз къаты таякъны сындырыр.
- Ата – билек, ана – джюрек!
- Керти сёзге тёре джокъ.
- Ач бёрюге мекям джокъ.
- Джолунга кёре – джюрюшюнг, джагъанга кёре – юлюшюнг.
- Нёгерсизни джолу узун.
- Тюзлюк тас болмайды.
- Джаз бир кюнню джатсанг, къыш талай кюнню абынырса.
- Олтуруб кёрюнмей эди да, ёрге туруб кёрюне эди.
- Акъыл неден да кючлюдю.
- Ашда уялгъан – мухар, ишде уялгъан – хомух.