- Чакъырылмагъан къонакъ тёрге атламаз.
- Эртде тургъан бла эртде юйленнген сокъуранмаз.
- Къарнынг къанлынга кийирир.
- Аз сёлешген, къайгъысыз турур.
- Башы ишлегенни, ауузу да ишлер.
- Къошда джокъгъа – юлюш джокъ.
- Хар сёзню орну барды.
- Баш – акъыл ючюн, акъылман – халкъ ючюн.
- Аман адамны тепсинге олтуртсанг, къызынгы тилер.
- Aдам боллукъ, сыфатындан белгили.
- Сёз садакъдан кючлюдю.
- Кийимни бир кюнню аясанг, минг кюннге джарар.
- Къызын тута билмеген, тул этер, джашын тута билмеген, къул этер.
- Джарлы эскисин джамаса, къууаныр.
- Телиге акъыл салгъандан эсе, ёлгеннге джан салырса.
- Адеб базарда сатылмаз.
- Адамны бетине къарама, адетине къара.
- Ёлмесенг да, къарт дамы болмазса?
- Ёгюзню мюйюзлери ауурлукъ этмейдиле.
- Билмезни кёзю кёрмез, этмезни къулагъы эшитмез.
- Эшекге миннген – биринчи айыб, андан джыгъылгъан – экинчи айыб.
- Джыгъылгъанны сырты джерден тоймаз.
- Элни кючю – эмеген.
- Эте билген, этген этеди, эте билмеген, юретген этеди!
- Хаухну атма, ёнгкючню сатма.
- Ач бёрюге мекям джокъ.
- Тилде сюек болмаса да, сюек сындырыр.
- Къарыусузгъа кюлме, онгсузгъа тийме.
- Джаным-тиним – окъуу, билим.
- Тойну къарнашы – харс, джырны къарнашы – эжиу.
- Къарт болгъан джерде, берекет болур, сабий болгъан джерде, оюн болур.
- Эринчекни аурууу – кёб.
- Джыланны къуйругъундан басарынг келсе, аны башы болгъанын унутма.
- Джерни букъусу кёкге къонмаз.
- Таугъа чыгъаллыкъ эсенг, тюзде къалма.
- Байны оноуу, джарлыгъа джарамаз.
- Чакъырылмай келген къонакъ сыйланмай кетер.
- Ат басханны джер билед.
- Азыгъы аз, алгъа къабар, аты аман, алгъа чабар.
- Сормай – алма, чакъырылмай – барма.
- Суу кетер, таш къалыр.
- Иги – алгъыш этер, аман – къаргъыш этер.
- Дженгил джетерикме деб, узун джолну къоюб, къысхасын барма.
- Алтыннга тот къонмаз.
- Керек ташны ауурлугъу джокъ.
- Джарлы джети элни сёзюн этер.
- Кёл – къызбай, къол – батыр.
- Бичгенде ашыкъма, тикгенде ашыкъ.
- Къонакъ болсанг, ийнакъ бол.
- Чомарт къонакъ юй иесин сыйлар.