- Дуния малгъа сатылма, кесингден телиге къатылма.
- Акъдан къара болмаз.
- Уллу атлама – абынырса, уллу къабма – къарылырса.
- Окъ къызбайны джокълайды.
- Ачылгъан эт джабылыр, кёрген кёз унутмаз.
- Ишин билген, аны сыйын чыгъарады.
- Чакъырылмай келген къонакъ сыйланмай кетер.
- Тулпарлыкъ, билекден тюл – джюрекден.
- Ач да бол, токъ да бол – намысынга бек бол.
- Тойгъа барсанг, тоюб бар, эски тонунгу къоюб бар.
- Эринчекге кюн узун.
- Къонакъ хазыр болгъанлыкъгъа, къонакъбай хазыр тюлдю.
- Рысхы – насыбха къор.
- Кесине оноу эте билмеген, халкъына да эте билмез.
- Мени джылытмагъан кюн, меннге тиймесин!
- Сибиртки да сыйлы болду, кюрек да кюнлю болду.
- Бетинги сатма, малынгы сат.
- Ёлмесенг да, къарт дамы болмазса?
- Мухар, кеси тойса да, кёзю тоймаз.
- Атлыны ашхысы, ат тизгининден билинир
- Окъуусуз билим – джокъ, билимсиз кюнюнг – джокъ.
- Ач, тоймам, дейди, тойгъан, ач болмам, дейди.
- Ауругъаннга – кийик саулукъ, джетген къызгъа – чилле джаулукъ.
- Берекет берсин деген джерде, берекет болур.
- Сууда джау джокъ, кёб сёзде магъана джокъ.
- Ёлген ийнек сютлю болур.
- Байны къызы баймакъ болса да, юйде къалмаз!
- Эл бла кёргенинг эрелей.
- Кёкдеги болмаса, джердегин кёрмейди.
- Тойчу джашха къарама, къойчу джашха къара.
- Баланы адам этген анады.
- Айтылгъан сёз ызына къайтмаз.
- Бал ашаргъа сюе эсенг, чибин ургъаннга тёз.
- Бети – къучакълар, джюреги – бычакълар.
- Чалманны аллы къалай башланса, арты да алай барады.
- Башланнган иш битер, къымылдагъан тиш тюшер.
- Адебни адебсизден юрен.
- Чёбню кёлтюрсенг, тюбюнден сёз чыгъар.
- Аурууну келиую тынч, кетиую – къыйын.
- Агъач – джерни чырайы, кийим – эрни чырайы.
- Мадар болса, къадар болур.
- Кийиминг бла танылма, адамлыкъ бла таныл.
- Кёбге таш атма.
- Къыз келсе, джумуш эте келеди, къатын келсе, ушакъ эте келеди.
- Ашлыкъ – бюртюкден, джюн – тюкден.
- Адамны бетине къарама, адетине къара.
- Къар – келтирди, суу – элтди.
- Алим болгъандан эсе, адам болгъан къыйынды.
- Ишленмеклик адамлыкъды.
- Чабакъсыз кёлге къармакъ салгъанлыкъгъа, чабакъ тутмазса.
