- Эли джокъну – кёлю джокъ.
- Адебни адебсизден юрен.
- Джерни букъусу кёкге къонмаз.
- Къыз келсе, джумуш эте келеди, къатын келсе, ушакъ эте келеди.
- Айырылмаз джууугъунга, унутмаз сёзню айтма.
- Телиге акъыл салгъандан эсе, ёлгеннге джан салырса.
- Дуния аламаты сен эсенг да, игиме деб айтма.
- Аманны тукъумуна къарама, игини тукъумун сорма.
- Джарлы джети элни сёзюн этер.
- Эр сокъур болсун, къатын тилсиз болсун.
- Рысхы джалгъанды: келген да этер, кетген да этер.
- Ашхы сёз таш тешер.
- Къонагъынгы артмагъын алма да, алгъышын ал.
- Къатын къылыкъсыз, эр тынчлыкъсыз.
- Тенгинг джокъ эсе – изле, бар эсе – сакъла!
- Рысхы – насыбха къор.
- Арбаз къынгырды да, ийнек сауалмайма.
- Кенгеш болса, уруш болмаз.
- Адеби болмагъан къыз – тузсуз хант.
- Суу да къайтады чыкъгъан джерине.
- Рысхы – сют юсюнде кёмюк кибикди.
- Къая джолда джортма, ачыкъ сёзден къоркъма.
- Эрине къаргъыш этген къатын, эрнин къабар.
- Алгъанда – джууукъ, бергенде – джау.
- Таукел адам тау тешер.
- Къарт айтханны этмеген, къартаймаз.
- Кюл тюбюндеги от кёрюнмейди.
- Къонакъны къачан кетерин сорма, къачан келлигин сор.
- Джюрек кёзден алгъа кёрюр.
- Адеб этмеген, адеб кёрмез.
- Дуния мал дунияда къалады.
- Мухардан ач ычхынмаз.
- Джумушакъ терекни къурт ашар.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Аманны къуугъан, аманлыкъ табар.
- Джаз бир кюнню джатсанг, къыш талай кюнню абынырса.
- Ким бла джюрюсенг, аны кёзю бла кёрюнюрсе.
- Джаханимни кёрмей, джандетге кёл салмазса.
- Уллу къашыкъ эрин джыртар.
- Суу ичген шауданынга тюкюрме.
- Къызны минг тилер, бир алыр.
- Адеб джокъда, намыс джокъ.
- Тилчи бир сагъатха айлыкъ хата этер.
- Чыбыкълыкъда бюгюлмеген, къазыкълыкъда бюгюлмей эди.
- Иги адам абынса да, джангылмаз.
- Бетинги сатма, малынгы сат.
- Юйюнг бла джау болгъандан эсе, элинг бла джау бол.
- Орундукъ тюбюнде атылсам да, орта джиликме, де да айлан.
- Тёрени джагъы джокъ.
- Ауругъанны сау билмез, ач къарынны токъ билмез.
