- Ашатыргъа иш – ашхы, ишлетирге аш – ашхы.
- Ишленмеклик адамлыкъды.
- Ашыкъгъанны этеги бутуна чырмалыр.
- Айныгъанлы алты кюн, тогъайгъанлы тогъуз кюн.
- Бети къызарыучу адамны, джюреги харам болмаз.
- Ата Джуртун танымагъан, атасын да танымаз.
- Тамырсыз терекге таянма – джыгъылырса.
- Босагъа таш юйге кирмей эди, тыбыр таш эшикге чыкъмай эди.
- Къатыны харакетли болса, эри къымсыз болур.
- Сабий болмагъан джерде, мёлек болмаз.
- Атынг аманнга чыкъгъандан эсе, джанынг тамагъынгдан чыкъсын.
- Тенги кёбню джау алмаз, акъылы кёбню дау алмаз.
- Минг тенг да азды, бир джау да кёбдю.
- Аманнга алтын чыдамаз.
- Къаллай салам берсенг, аллай джууаб алырса.
- Ётюрюкден тюбю джокъ, кёлтюрюрге джиби джокъ.
- Тилчи бир сагъатха айлыкъ хата этер.
- Бёрю да ач къалмасын, эчки да ашалмасын.
- Бетинги сатма, малынгы сат.
- Сыфатында болмагъаны, суратында болмаз.
- Терек ауса, отунчу – кёб.
- Кенгеш болса, уруш болмаз.
- Урама да – ёледи, сатама да – келеди.
- Кютгени беш эчки, сызгъыргъаны уа, джерни джарады.
- Къыз тиширыу кеси юйюнде да къонакъды.
- Окъ къызбайны джокълайды.
- Бал ашаргъа сюе эсенг, чибин ургъаннга тёз.
- Дуния мал дунияда къалады.
- Аллахдан тилесенг, кёб тиле.
- Ач уят къоймаз.
- Ата – билек, ана – джюрек!
- Джан саулукъ бермей, сан саулукъ бермезсе.
- Аллахха ийнаннган кишини, Аллах онгдурур ишин.
- Тенгинг джокъ эсе – изле, бар эсе – сакъла!
- Оюмсуз атлагъан, аджалсыз ёлюр.
- Эски джаугъа ышанма.
- Ханнга да келеди хариблик.
- Тюз сёз баргъан сууну тыяр.
- Джогъун бар этген, барын бал этген.
- Ауурну тюбю бла, дженгилни башы бла джюрюген.
- Нёгерсизни джолу узун.
- Джумушакъ терекни къурт ашар.
- Къошда джокъгъа – юлюш джокъ.
- Эл ауузу – элек, анга ийнаннган – халек.
- Эр сокъур болсун, къатын тилсиз болсун.
- Ёлюр джаннга, ёкюл джокъ.
- Зарда марда джокъ.
- Ётген ёмюр – акъгъан суу.
- Ашхылыкъ джерде джатмайды, аманлыкъ суугъа батмайды.
- Алма терегинден кери кетмез.