- Чабакъсыз кёлге къармакъ салгъанлыкъгъа, чабакъ тутмазса.
- Кесинге джетмегенни, кёб сёлешме.
- Аякъларынгы джууургъанынга кёре узат.
- Ариуну – ауруу кёб.
- Накъырданы арты керти болур.
- Окъугъан озар, окъумагъан тозар.
- Аз айтсам, кёб ангылагъыз.
- Сёлеш деб шай берген, тохта деб, сом берген.
- Акъдан къара болмаз.
- Юре билмеген ит, къонакъ келтирир.
- Ишин билген, аны сыйын чыгъарады.
- Аманны къуугъан, аманлыкъ табар.
- Къарны аманнга къазан такъдырма, къолу аманнга от джакъдырма.
- Эр сокъур болсун, къатын тилсиз болсун.
- Эл тойса, тоймагъан, эл къойса, къоймагъан.
- Билмейме деген – бир сёз
- Сибиртки да сыйлы болду, кюрек да кюнлю болду.
- Атлыны кёрсе, джаяуну буту талыр.
- Джолунга кёре – джюрюшюнг, джагъанга кёре – юлюшюнг.
- Адеб джокъда, намыс джокъ.
- Къарт бла баш аша, джаш бла аякъ аша.
- Къумурсхала джыйылсала, пилни да джыгъадыла.
- Билим ат болуб да чабар, къуш болуб да учар.
- Джеринден айырылгъан – джети джылар, джуртундан айырылгъан – ёлгюнчю джылар.
- Тойну къарнашы – харс, джырны къарнашы – эжиу.
- Тюкюрюк баш джармаз, налат кёз чыгъармаз!
- Ашда – бёрю, ишде – ёлю.
- Аман адам этегингден тутса, кес да къач.
- Ауузу аманнга «иги», деме.
- Адебни адебсизден юрен.
- Кюн кёрмеген, кюн кёрсе, кюндюз чыракъ джандырыр.
- Кютгени беш эчки, сызгъыргъаны уа, джерни джарады.
- Билмезни кёзю кёрмез, этмезни къулагъы эшитмез.
- Хаухну атма, ёнгкючню сатма.
- Баш – акъыл ючюн, акъылман – халкъ ючюн.
- От кюйдюрген, сау болса да, тот кюйдюрген, сау болмаз.
- Къанны къан бла джуума, аманны аман бла къуума.
- Бозаны арты дауур болур.
- Джан саулукъ бермей, сан саулукъ бермезсе.
- Тас болгъан бычакъны сабы – алтын.
- Сютню башын джалагъан къутулур, тюбюн ичген тутулур.
- Чакъырылгъанны аты, чакъырылмагъанны багъасы болур.
- Кёрмегеннге кебек – танг, битмегеннге сакъал – танг.
- Ичимден чыкъды хата, къайры барайым сата?
- Байны къызы баймакъ болса да, юйде къалмаз!
- Бал ашаргъа сюе эсенг, чибин ургъаннга тёз.
- Кёб къычыргъандан – къоркъма, тынч олтургъандан – къоркъ.
- Асхат ашлыкъ сата, юйдегиси ачдан къата.
- Къулакъдан эсе, кёзге ышан.
- Татлы тилде – сёз ариу, чемер къолда – иш ариу.
