- Тамырсыз терекге таянма – джыгъылырса.
- Мал ёлсе, сюек къалыр, адам ёлсе, иши къалыр.
- Чомартха Тейри да борчлуду.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Эшекни не къадар тюйсенг да, ат болмаз.
- Ашхы – джыяр, аман – джояр.
- Хар ишни да аллы къыйынды.
- Олтуруб кёрюнмей эди да, ёрге туруб кёрюне эди.
- Тенгни тенглиги джашай барсанг билинир.
- Окъугъанны бети джарыкъ.
- Чоюнну башы ачыкъ болса, итге уят керекди.
- Ургъан суудан башынгы сакъла.
- Чомарт къонакъ юй иесин сыйлар.
- Джылар джаш, атасыны сакъалы бла ойнар.
- Махтаннган къыз, тойда джукълар.
- Адамны джюреги нени кёрюрге сюйсе, кёзю да аны кёрюрге ёч болады.
- Акъыл бла адеб эгизледиле.
- Арба аугъандан сора, джол кёргюзтюучю кёб болур.
- Тин – байлыгъынг, терен саулугъунг.
- Тёгюлген тюгел джыйылмайды.
- Элни кючю – эмеген.
- Аууз сакълагъан – джан сакълар.
- Татлы тилде – сёз ариу, чемер къолда – иш ариу.
- Адам къыйынлыгъын кёлтюрюр, зауукълугъун кёлтюрмез.
- Къатын къылыкъсыз, эр тынчлыкъсыз.
- Ётюрюк хапар аякъ тюбю бла джюрюйдю.
- Джауумдан сора, кюн кюйдюрюр, ётюрюкден сора, айыб кюйдюрюр.
- Ётюрюкню къуйругъу – бир тутум.
- Тойгъан джерден туугъан джер игиди.
- Шапа кёб болса, аш татымсыз болур.
- Ишленмеген джаш – джюгенсиз ат, ишленмеген къыз – тузсуз хант.
- Эл тойса, тоймагъан, эл къойса, къоймагъан.
- Акъыл аздырмаз, билим тоздурмаз.
- Гугук кесини атын айтыб къычыргъанча, мен, мен деб нек тураса?
- Эр абынмай, эл танымаз.
- Кютгени беш эчки, сызгъыргъаны уа, джерни джарады.
- Телиге от эт десенг, юйюнге от салыр.
- Байны къызы баймакъ болса да, юйде къалмаз!
- Этни бети бла шорпасы.
- Тюз сёз баргъан сууну тыяр.
- Ашхы атаны – джашы ашхы, ашхы ананы – къызы ашхы.
- Эркишини аманы тиширыуну джылатыр.
- Эри аманны, къатыны – аман.
- Бети къызарыучу адамны, джюреги харам болмаз.
- Накъырда – кертини келечиси.
- Къан бла кирген, джан бла чыгъар.
- Билим – акъылны чырагъы.
- Аманны тукъумуна къарама, игини тукъумун сорма.
- Туз, гырджын аша, тюзлюк бла джаша.
- Джюрек кёзден алгъа кёрюр.
