- Къая джолда джортма, ачыкъ сёзден къоркъма.
- Сабыр джетер муратха, сабырсыз къалыр уятха.
- Ач бёрюге мекям джокъ.
- Бети къызарыучу адамны, джюреги харам болмаз.
- Орну джокъну – сыйы джокъ.
- Сакъ юйюне сау барыр.
- Эки элинги тыйсанг, джети элде махталырса.
- Халкъны джырын джырласанг, халкъ санга эжиу этер.
- Элиб деген, элге болушур.
- Aдам боллукъ, сыфатындан белгили.
- Ашатыргъа иш – ашхы, ишлетирге аш – ашхы.
- Билимсиз иш бармаз.
- Биреуню къыйынлыгъы бла кесинге джол ишлеме.
- Эркишини аманы тиширыуну джылатыр.
- Бир онгсуз адам адет чыгъарды, деб эштирик тюлсе.
- Къыйынлы джети элге оноу этер.
- Татлы тилде – сёз ариу, чемер къолда – иш ариу.
- Тенгни тенглиги джашай барсанг билинир.
- Ишлерге уял да, ашаргъа табма.
- Джаным-тиним – окъуу, билим.
- Ауузу аманнга «иги», деме.
- Аман адам этегингден тутса, кес да къач.
- Зарда марда джокъ.
- Сёз къанатсыз учар.
- Суу кетер, таш къалыр.
- Узун джолну барсанг, бюгюн келирсе, къысха джолну барсанг, тамбла келирсе.
- Байлыкъдан саулукъ ашхыды.
- Чомартны къолу берекет.
- Ишни аллы бла къууанма да, арты бла къууан.
- Ёксюзню къалачы уллу кёрюнюр.
- Ёмюрлюк шохлукъну джел элтмез.
- Къарыусузгъа кюлме, онгсузгъа тийме.
- Сибиртки да сыйлы болду, кюрек да кюнлю болду.
- Келинин тута билмеген, къул этер, къызын тута билмеген, тул этер.
- Эринчекге кюн узун.
- Эркишиге тары кебек танг кёрюнюр.
- Джашлыкъ этмеген, башлыкъ этмез.
- Кёбден умут этиб, аздан къуру къалма.
- Этни да ашады, бетни да ашады.
- Байны оноуу, джарлыгъа джарамаз.
- Ашхы тенг джолгъа салыр, аман тенг джолдан тайдырыр.
- Аман къатын алгъан, арыр, иги къатын алгъан джарыр.
- Ашыкъгъан cуу, тенгизге джетмез.
- Аман эсирсе, юйюн ояр.
- Кесине гебен этелмеген, биреуге черен эте эди.
- Бал – татлы, балдан да бала – татлы.
- Эл ауузу – элия.
- Ана къойну – балагъа джандет.
- Бойнуму джети джерден кессенг да, мен ол ишни этеллик тюлме.
- Таукел тауну аудурур.
