- Къолунгдан къуймакъ ашатсанг да, атаны борчундан къутулмазса.
- Хазыр ашха – терен къашыкъ.
- Тюзлюк шохлукъну бегитир.
- Чомартха Тейри да борчлуду.
- Ана къойну – балагъа джандет.
- Адебни адебсизден юрен.
- Сакъ юйюне сау барыр.
- Ышармагъан – кюлмез, кюлмеген – къууанчны билмез.
- Къайгъыны сюйген, къайгъы табар.
- Бети – къучакълар, джюреги – бычакълар.
- Хантына кёре тузу, юйюне кёре къызы.
- Уллу сёзде уят джокъ.
- Джеринден айырылгъан – джети джылар, джуртундан айырылгъан – ёлгюнчю джылар.
- Башынга джетмегенни сорма.
- Ётюрюкчюню шагъаты – къатында.
- Гугурук къычырмаса да, тангны атары къалмаз.
- Асхат ашлыкъ сата, юйдегиси ачдан къата.
- Юй ишлеген балта эшикде къалыр.
- Джарлыны эшигин махтагъан джабар.
- Тойгъан антын унутур.
- Ишин билген, аны сыйын чыгъарады.
- Ач къалгъандан, кеч къалгъан къолай.
- Нарт сёз – тилни бети.
- Кютгени беш эчки, сызгъыргъаны уа, джерни джарады.
- Байны оноуу, джарлыгъа джарамаз.
- Джашда акъыл джокъ, къартда къарыу джокъ.
- Тура эдим джата, къайдан чыкъды хата?
- Душманны тышы – акъ, ичи – къара.
- Адам къыйынлыгъын кёлтюрюр, зауукълугъун кёлтюрмез.
- Баш болса, бёрк табылыр.
- Эртде тургъан бла эртде юйленнген сокъуранмаз.
- Чёбню кёлтюрсенг, тюбюнден сёз чыгъар.
- Ашын ашагъанынгы, башын да сыйла.
- Танг атмайма десе да, кюн къоярыкъ тюйюлдю.
- Адамны джюреги нени кёрюрге сюйсе, кёзю да аны кёрюрге ёч болады.
- Джыгъылгъанны сырты джерден тоймаз.
- Эл ауузу – элек, анга ийнаннган – халек.
- Аджашханны ызындагъы кёреди, джангылгъанны джанындагъы биледи.
- Джюрек кёзден алгъа кёрюр.
- Кёпюр салгъан кеси ётер, уру къазгъан кеси кетер.
- Айтылгъан сёз ызына къайтмаз.
- Джаралыны джастыгъында сау ёлюр.
- Джиби бир къат джетмей эди да, эки къат тарта эди.
- Ишлегенде эринме, ишде чолакъ кёрюнме.
- Aдам боллукъ, сыфатындан белгили.
- Баланы адам этген анады.
- Булут кёкге джарашыу, уят бетге джарашыу.
- Тыш элде солтан болгъандан эсе, кесинги элде олтан болгъан игиди!
- Тёрде – темир таякълы, къаяда – чыпчыкъ аякълы.
- Джюрекге ариу – кёзге да ариу.
