Эльбрусоид :: Эльбрусоид

Эл бла кёргенинг эрелей.
Адеб базарда сатылмаз.
Шайтан алдады, тюзлюк къаргъады.
Къайгъыны сюйген, къайгъы табар.
Аман эсирсе, юйюн ояр.
Таукел адам тау тешер.
Эки элинги тыйсанг, джети элде махталырса.
Ариу сёз аурууунгу алыр.
Къарнынг къанлынга кийирир.
Джыгъылгъанны сырты джерден тоймаз.
Ач келгенни – тойдур, кеч келгенни – къондур.
Чалманны аллы къалай башланса, арты да алай барады.
Окъугъанны бети джарыкъ.
Сёз – кюмюш, джыр – алтын.
Ишни аллы бла къууанма да, арты бла къууан.
Байлыкъ болгъан джерде, тынчлыкъ джокъду.
Тилчиден кери бол.
Кёбню кёрген – кёб билир.
Алгъанда – джууукъ, бергенде – джау.
Джылкъыдан – ат чыгъар, тукъумдан – джаш чыгъар.
Эри аманны, къатыны – аман.
Ёпкелегенни ашы татлы болады.
Кюл тюбюндеги от кёрюнмейди.
Атынг аманнга чыкъгъандан эсе, джанынг тамагъынгдан чыкъсын.
Тойгъан антын унутур.
Къарны аманнга къазан такъдырма, къолу аманнга от джакъдырма.
Аш хазыр болса, иш харам болур.
Эте билген, этген этеди, эте билмеген, юретген этеди!
Таякъ этден ётер, тил сюекден ётер.
Тилде сюек болмаса да, сюек сындырыр.
Ач бёрюге мекям джокъ.
Мал ёлсе, сюек къалыр, адам ёлсе, иши къалыр.
Къарт болгъан джерде, берекет болур, сабий болгъан джерде, оюн болур.
Эринчекни аурууу – кёб.
Ашхы атаны – джашы ашхы, ашхы ананы – къызы ашхы.
Чомартны къолун джокълукъ байлар.
Ашхылыкъ джерде джатмайды, аманлыкъ суугъа батмайды.
Келгинчи, къонакъ уялыр, келгенден сора, къонакъбай уялыр.
Иги джашны ышаны – аз сёлешиб, кёб тынгылар.
Ургъан суудан башынгы сакъла.
Хантына кёре тузу, юйюне кёре къызы.
Эртде тургъан бла эртде юйленнген сокъуранмаз.
Къартха ушагъан джаш – акъыллы, джашха ушагъан къарт – тели.
Эшекни не къадар тюйсенг да, ат болмаз.
Аджашхан тёгерек айланыр.
Тойчу джашха къарама, къойчу джашха къара.
Джашлыкъ этмеген, башлыкъ этмез.
Уясында не кёрсе, учханында аны этер.
Шекер бла туз – бир болмаз, ушамагъан – юй болмаз.
Бёрю да ач къалмасын, эчки да ашалмасын.