- Къызын тута билмеген, тул этер, джашын тута билмеген, къул этер.
- Мураты болгъанны джюрек тебюую башхады.
- Бозанг болмагъан джерге, къалагъынгы сукъма.
- Къызбайны юйюне дери сюрсенг, батыр болур.
- Элде адам къалмаса, ит тахтагъа минер.
- Хоншуну тауугъу къаз кёрюнюр, келини къыз кёрюнюр.
- Керилген да, ургъан кибикди.
- Сабыр джетер муратха, сабырсыз къалыр уятха.
- Аш иеси бла татлыды.
- Юре билмеген ит, къонакъ келтирир.
- Бастасын ашагъан, хантусун да ичер.
- Мадар болса, къадар болур.
- Кёзюнде тереги болгъан, чёбю болгъаннга кюле эди.
- Джырчы джырчыгъа – къарнаш.
- Суу да къайтады чыкъгъан джерине.
- Джаш къарыу бла кючлю, къарт акъыл бла кючлю.
- Юйлю уругъа ит чабмаз.
- Кёлсюзден сёзсюз тууар.
- Акъыл къартда, джашда тюйюлдю – башдады.
- Онгсузну – джакъла, тенгликни – сакъла.
- Джашда акъыл джокъ, къартда къарыу джокъ.
- Чакъырылгъанны аты, чакъырылмагъанны багъасы болур.
- Джыйырма къойну юч джыйырма эбзе кюте эди.
- Джангызны оту джарыкъ джанмаз!
- Эллинг бла джау болсанг да, юйюнг бла джау болма.
- Чомарт бергенин айтмаз.
- Къая джолда джортма, ачыкъ сёзден къоркъма.
- Кёб джашагъан – кёб билир.
- Эски джаугъа ышанма.
- Къарын къуру болса, джюрек уру болур.
- Ашлыкъны арба юйге келтирир, чана базаргъа элтир.
- Нёгерсизни джолу узун.
- Джыланны къуйругъундан басарынг келсе, аны башы болгъанын унутма.
- Эки итни арасына сюек атма, эки адамны арасында сёз чыгъарма.
- Чарсда алчыны эл кёреди.
- Атынг аманнга чыкъгъандан эсе, джанынг тамагъынгдан чыкъсын.
- Къайгъы тюбю – тенгиз.
- Ёлген эшек бёрюден къоркъмайды.
- Кёпюр салгъан кеси ётер, уру къазгъан кеси кетер.
- Эринчекни аурууу – кёб.
- Джарлыны эшигин махтагъан джабар.
- Къонагъы джокъну – шоху джокъ.
- Сормай – алма, чакъырылмай – барма.
- Этни бети бла шорпасы.
- Адам боллукъ, атламындан белгили болур.
- Аман хансны – урлугъу кёб.
- Ёлмесенг да, къарт дамы болмазса?
- Айранны сюйген, ийнек тутар.
- Халкъны юйю – туугъан джери.
- Суугъа – таянма, джаугъа – ийнанма.
