- Ач уят къоймаз.
- Эркишиге тары кебек танг кёрюнюр.
- Джырчы джырчыгъа – къарнаш.
- Къарт болгъан джерде, берекет болур, сабий болгъан джерде, оюн болур.
- Джаш болсун, къыз болсун, акъылы, саны тюз болсун.
- Аджаллыгъа окъсуз шкок атылыр.
- Кийиминг бла танылма, адамлыкъ бла таныл.
- Тилсиз миллет джокъ болур.
- Насыб бютеу халкъны юлюшюдю.
- Ургъан суудан башынгы сакъла.
- Ишни ахырын ойламай, аллын башлама.
- Кёбден умут этиб, аздан къуру къалма.
- Ашыкъгъанны этеги бутуна чырмалыр.
- Тенгни тенглиги джашай барсанг билинир.
- Чомарт къонакъ юй иесин сыйлар.
- Онгсузну – джакъла, тенгликни – сакъла.
- Ишлегенден, къарагъан уста.
- Кёзден кетген, кёлден да кетеди.
- Чакъырылмагъан джерге барма, чакъырылгъан джерден къалма.
- Иги – алгъыш этер, аман – къаргъыш этер.
- Тёрде – темир таякълы, къаяда – чыпчыкъ аякълы.
- Ашлыкъны арба юйге келтирир, чана базаргъа элтир.
- Таукел тауну аудурур.
- Уллу къашыкъ эрин джыртар.
- Сакъламагъан затынга джолукъсанг, не бек къууанаса, не бек ачыйса.
- Эм ашхы къайын ана мамукъ бла башынгы тешер.
- Кюл тюбюндеги от кёрюнмейди.
- Къарт бла баш аша, джаш бла аякъ аша.
- Келинин тута билмеген, къул этер, къызын тута билмеген, тул этер.
- Хар зат кесини орнуна иги.
- Окъдан джара эртде-кеч болса да бителир, сёз джара, ёмюрге къалыр.
- Халкъны юйю – туугъан джери.
- Аш иеси бла татлыды.
- Ёлген ийнек сютлю болур.
- Къыз келсе, джумуш эте келеди, къатын келсе, ушакъ эте келеди.
- Элиб деген, элге болушур.
- Ичимден чыкъды хата, къайры барайым сата?
- Ариу джол аджал келтирмез.
- Джарлы эскисин джамаса, къууаныр.
- Ашатыргъа иш – ашхы, ишлетирге аш – ашхы.
- Къызбайны юйюне дери сюрсенг, батыр болур.
- Аууздан келген, къолдан келсе, ким да патчах болур эди.
- Ойнай билмеген, оюн бузар.
- Чёбню кёлтюрсенг, тюбюнден сёз чыгъар.
- Чомартха хар кюн да байрамды.
- Таугъа чыгъаллыкъ эсенг, тюзде къалма.
- Кёл – къызбай, къол – батыр.
- Адамны бетине къарама, адетине къара.
- Бойнуму джети джерден кессенг да, мен ол ишни этеллик тюлме.
- Къызгъанчдан ычхыныр, мухардан ычхынмаз.
