Эльбрусоид :: Эльбрусоид

Элде адам къалмаса, ит тахтагъа минер.
Эл элде бирер малынг болгъандан эсе, бирер тенгинг болсун.
Кесине гебен этелмеген, биреуге черен эте эди.
Кёл ашады да, кеси ашады.
Намыс болмагъан джерде, насыб болмаз.
Эринчекни аурууу – кёб.
Къар – келтирди, суу – элтди.
Къонакъ аз олтурур, кёб сынар.
Айранын берсенг, челегин да къызгъанма.
Ачылгъан эт джабылыр, кёрген кёз унутмаз.
Алгъанда – джууукъ, бергенде – джау.
Адамны аты башхача, акъылы да башхады.
Джетген къыз джерли эшекни танымаз.
Чомартны къолу берекет.
Окъугъан озар, окъумагъан тозар.
Арбаз къынгырды да, ийнек сауалмайма.
Таукел къуру къалмаз.
Окъуусуз билим – джокъ, билимсиз кюнюнг – джокъ.
Джюрекге ариу – кёзге да ариу.
Къыз чыгъаргъан – къызыл къымжа.
Джол бла сёзню къыйыры джокъ.
Ач уят къоймаз.
Сангырау къулакъ эл бузар.
Ата Джуртун танымагъан, атасын да танымаз.
Шапа кёб болса, аш татымсыз болур.
Ашаса, ашамаса да, бёрюню ауузу – къан.
Мал кёб болса, джууукъ кёб болур.
Ким бла джюрюсенг, аны кёзю бла кёрюнюрсе.
Тау башында, тау болмаз, джангыз терек, бау болмаз.
Джаралыны джастыгъында сау ёлюр.
Хар зат кесини орнуна иги.
Ана – юйню кюн джарыгъы.
Билим – акъылны чырагъы.
Кийиминг бла танылма, адамлыкъ бла таныл.
Таукел адам тау тешер.
Тёзген – тёш ашар!
Тин – байлыгъынг, терен саулугъунг.
Аллахдан тилесенг, кёб тиле.
Къарнынг къанлынга кийирир.
Арпа, будай – ащды, алтын, кюмюш а – ташды.
Нарт сёз къарт болмаз.
Ауругъаннга – кийик саулукъ, джетген къызгъа – чилле джаулукъ.
Эркиши – от, тиширыу – суу.
Келинни – келгинчи, бёркню кийгинчи кёр.
Билими азны – ауузунда кирит.
Джуртун къоругъан озар.
Термилгенинги табмазса, кюлгенинге тюберсе.
Нёгер болсанг, тенг бол, тенг болмасанг, кенг бол.
Иги – алгъыш этер, аман – къаргъыш этер.
Ауругъанны сау билмез, ач къарынны токъ билмез.