Эльбрусоид :: Эльбрусоид

Сабыр джетер муратха, сабырсыз къалыр уятха.
Окъуу – билимни ачхычы, окъуу – дунияны бачхычы.
Бермеген къол, алмайды.
Хата – гитчеден.
Джетген къыз джерли эшекни танымаз.
Эртде тургъан бла эртде юйленнген сокъуранмаз.
Къарт айтханны этмеген, къартаймаз.
Таугъа чыгъаллыкъ эсенг, тюзде къалма.
Термилгенинги табмазса, кюлгенинге тюберсе.
Нёгер болсанг, тенг бол, тенг болмасанг, кенг бол.
Иги сеники эсе да, сюйген кесимикин этеме.
Ауругъанны сау билмез, ач къарынны токъ билмез.
Адеб джокъда, намыс джокъ.
Эки къатын алгъанны къулагъы тынгнгаймаз.
Босагъагъа джууукъ орун болса, ашыгъыб тёрге озма.
Танг атмайма десе да, кюн къоярыкъ тюйюлдю.
Керти сёзге тёре джокъ.
Эм уллу байлыкъ – джан саулукъ.
Тик ёргени, тик энгишгеси да болады.
Адамны бетине къарама, адетине къара.
Ёксюзню тилеги къабыл болур.
Сакъалы текени да бар, мыйыгъы киштикни да бар.
Къыз тиширыу кеси юйюнде да къонакъды.
Шайтан алдады, тюзлюк къаргъады.
Бир онгсуз адам адет чыгъарды, деб эштирик тюлсе.
Ётген ёмюр – акъгъан суу.
Ашатыргъа иш – ашхы, ишлетирге аш – ашхы.
Берекет берсин деген джерде, берекет болур.
Айтхан – тынч, этген – къыйын.
Къайгъыны сюйген, къайгъы табар.
Насыблы элин сюер, насыбсыз кесин сюер.
Кёбден умут этиб, аздан къуру къалма.
Башы ишлегенни, ауузу да ишлер.
Къарнынг бла ёч алма.
Айырылгъанланы айю ашар, бёлюннгенлени бёрю ашар.
Бозаны арты дауур болур.
Хатерли къул болур.
Арпа, будай – ащды, алтын, кюмюш а – ташды.
Байлыкъ тауусулур, билим тауусулмаз.
Халкъны джырын джырласанг, халкъ санга эжиу этер.
Билим ат болуб да чабар, къуш болуб да учар.
Мал кёб болса, джууукъ кёб болур.
Кёб джат да, бек чаб.
Намысы джокъну – дуниясы джокъ.
Эр абынмай, эл танымаз.
Къонакъ аман болса, къонакъбай джунчур
Адам боллукъ, атламындан белгили болур.
Кимни – тили, тиши онглу, кимни – къолу, иши онглу.
Ким бла джюрюсенг, аны кёзю бла кёрюнюрсе.
Къыйынлы джети элге оноу этер.