- Ётген ёмюр – акъгъан суу.
- Окъдан джара эртде-кеч болса да бителир, сёз джара, ёмюрге къалыр.
- Тюз сёз баргъан сууну тыяр.
- Эри аманны, къатыны – аман.
- Келинин тута билмеген, къул этер, къызын тута билмеген, тул этер.
- Экеулен сёлеше тура эселе, орталарына барыб кирме.
- Асхат ашлыкъ сата, юйдегиси ачдан къата.
- Ашхы атаны – джашы ашхы, ашхы ананы – къызы ашхы.
- Аджашханны ызындагъы кёреди, джангылгъанны джанындагъы биледи.
- Айырылмаз джууугъунга, унутмаз сёзню айтма.
- Эли джокъну – кёлю джокъ.
- Тенги кёбню джау алмаз, акъылы кёбню дау алмаз.
- Итли къонакъ джарашмаз.
- Аш иеси бла татлыды.
- Арпа, будай – ащды, алтын, кюмюш а – ташды.
- Эртде тургъан джылкъычыны эркек аты тай табар.
- Ауурну тюбю бла, дженгилни башы бла джюрюген.
- Бети – къучакълар, джюреги – бычакълар.
- Ургъан суудан башынгы сакъла.
- Ана кёлю – балада, бала кёлю – талада.
- Къарыусузгъа кюлме, онгсузгъа тийме.
- Окъугъан – асыу, окъумагъан – джарсыу.
- Къобан да къуру да къобханлай турмайды, адам да къуру да патчахлай турмайды.
- Киштикге къанат битсе, чыпчыкъ къалмаз эди.
- Къралынгы – душмандан, башынгы от бла суудан сакъла.
- Биреуню эскиси биреуге джангы болмайды.
- Къуру гыбыт бек дыгъырдар.
- Къыйынлы джети элни къайгъысын этер.
- Шекер бла туз – бир болмаз, ушамагъан – юй болмаз.
- Танг атмайма десе да, кюн къоярыкъ тюйюлдю.
- Джыйырма къойну юч джыйырма эбзе кюте эди.
- Ёмюрлюк шохлукъну джел элтмез.
- Кийимни бир кюнню аясанг, минг кюннге джарар.
- Аурууну келиую тынч, кетиую – къыйын.
- Кёл ашады да, кеси ашады.
- Халкъны юйю – туугъан джери.
- Эртде тургъан бла эртде юйленнген сокъуранмаз.
- Ата – билек, ана – джюрек!
- Тёзгеннге, джабылгъан эшик ачылыр.
- Аман хансны – урлугъу кёб.
- Окъумагъан сокъурду, сокъур ташха абыныр!
- Аз сёлеш, кёб ишле.
- Ауругъаннга – кийик саулукъ, джетген къызгъа – чилле джаулукъ.
- Къатыны харакетли болса, эри къымсыз болур.
- Джаханимни кёрмей, джандетге кёл салмазса.
- Ашлыкъ – бюртюкден, джюн – тюкден.
- Агъач халкъгъа алтынды, иссиликге салкъынды.
- Садакъачыны джаны – къапчыгъында.
- Акъыллы – эл иеси, тели – эл баласы.
- Чакъырылмагъан джерге барма, чакъырылгъан джерден къалма.