- Мухар, кеси тойса да, кёзю тоймаз.
- Адам къыйынлыгъын кёлтюрюр, зауукълугъун кёлтюрмез.
- Тюзню ётмеги тюзде къалса да, тас болмаз.
- Огъурлуну сёзю – суу, огъурсузну сёзю – уу.
- Айран тёгюлсе, джугъусу къалыр.
- Ашлыкъ – бюртюкден, джюн – тюкден.
- Ашда – бёрю, ишде – ёлю.
- Атынг аманнга чыкъгъандан эсе, джанынг тамагъынгдан чыкъсын.
- Къартны бурнун сюрт да, оноугъа тут.
- Ёгюзню мюйюзюнден тутадыла, адамны сёзюнден тутадыла.
- Адебни адебсизден юрен.
- Сагъышы джокъ – джукъучу, акъылы джокъ – къаугъачы.
- Адамны джюреги нени кёрюрге сюйсе, кёзю да аны кёрюрге ёч болады.
- Зар адам ашынгы ашар, кесинги сатар.
- От кюйдюрген, сау болса да, тот кюйдюрген, сау болмаз.
- Чомартха хар кюн да байрамды.
- Джарлы джети элни сёзюн этер.
- Тили узунну, намысы – къысха.
- Бёрю да ач къалмасын, эчки да ашалмасын.
- Джыланны къуйругъундан басарынг келсе, аны башы болгъанын унутма.
- Ач уят къоймаз.
- Айран ичген – къутулду, джугъусун джалагъан – тутулду.
- Кийим тукъум сордурур.
- Къанны къан бла джуума, аманны аман бла къуума.
- Ушамагъан – джукъмаз.
- Иги болса, тамадама – махтау, аман болса, меннге – айыб.
- Харам къарнашдан, халал тенг ашхы.
- Билим насыб берир, билим джолну керир.
- Нёгерсизни джолу узун.
- Уллу сёлешме да, уллу къаб.
- Чабакъгъа акъыл, табагъа тюшсе келеди.
- Юй ишлеген балта эшикде къалыр.
- Тил – кесген бычакъ, сёз – атылгъан окъ.
- Джылыгъа джылан илешир.
- Элиб деген, элге болушур.
- Чакъырылгъанны аты, чакъырылмагъанны багъасы болур.
- Джерни букъусу кёкге къонмаз.
- Адам туугъан джеринде, ит тойгъан джеринде.
- Игилик игилик бла сингдирилиучю затды.
- Тынгылагъан тынгы бузар.
- Адеби болмагъан къыз – тузсуз хант.
- Адам сёзюнден белгили.
- Суу кетер, таш къалыр.
- Ишленмеген джаш – джюгенсиз ат, ишленмеген къыз – тузсуз хант.
- Таукел тауну аудурур.
- Атадан ёксюз – бир ёксюз, анадан ёксюз – эки ёксюз.
- Тёгюлген тюгел джыйылмайды.
- Аллахха ийнаннган кишини, Аллах онгдурур ишин.
- Ичимден чыкъды хата, къайры барайым сата?
- Айныгъанлы алты кюн, тогъайгъанлы тогъуз кюн.
|
darling
|
