- Эли джокъну – кёлю джокъ.
- Юре билмеген ит, къонакъ келтирир.
- Келинни – келгинчи, бёркню кийгинчи кёр.
- Таукел адам тау тешер.
- Окъ къызбайны джокълайды.
- Чалманны аллы къалай башланса, арты да алай барады.
- Хар сёзню орну барды.
- Тёзгеннге, джабылгъан эшик ачылыр.
- Мал тутхан – май джалар.
- Суу ичген шауданынга тюкюрме.
- Джарлыны тону джаз битер.
- Рысхысына кёре, джаш ёсер, къышлыгъына кёре, мал ёсер.
- Къазанны башы ачыкъ болса, итге уят керекди.
- Акъыллы башны – тили къысха.
- Нёгер болсанг, тенг бол, тенг болмасанг, кенг бол.
- Джетген къыз джерли эшекни танымаз.
- Билмезни кёзю кёрмез, этмезни къулагъы эшитмез.
- Келлик заман – къартлыкъ келтирир, кетген заман – джашлыкъ ёлтюрюр.
- Хоншуну тауугъу къаз кёрюнюр, келини къыз кёрюнюр.
- Адам къаллай бир ишленмесе, аллай бир кесин уллу кёреди.
- Къыйынлы джети элге оноу этер.
- Элге къуллукъ этмеген, элге ие болмаз.
- Эки къатын алгъанны къулагъы тынгнгаймаз.
- Таугъа чыгъаллыкъ эсенг, тюзде къалма.
- Чабакъгъа акъыл, табагъа тюшсе келеди.
- Джюрек кёзден алгъа кёрюр.
- Ойнаб айтсанг да, эслеб айт.
- Джарашыу сюйген – джалынчакъ.
- Ана кёлю – балада, бала кёлю – талада.
- Кюлме джашха – келир башха.
- Ёнгкюч къууана барыр, джылай келир.
- Гитче джилтин уллу элни джандырыр.
- Ханнга да келеди хариблик.
- Къарт айтханны этмеген, къартаймаз.
- Байлыкъдан саулукъ ашхыды.
- Тойгъа барсанг, тоюб бар, эски тонунгу къоюб бар.
- Тау башында, тау болмаз, джангыз терек, бау болмаз.
- Эрине къаргъыш этген къатын, эрнин къабар.
- Къарны аманнга къазан такъдырма, къолу аманнга от джакъдырма.
- Къыз тиширыу кеси юйюнде да къонакъды.
- Айранны сюйген, ийнек тутар.
- Къызны минг тилер, бир алыр.
- Аман къатын алгъан, арыр, иги къатын алгъан джарыр.
- Биреу къой излей, биреу той излей.
- Джахил болса анасы, не билликди баласы?
- Аман киши кеси юйюнде – къонакъ.
- Махтаннган къыз, тойда джукълар.
- Аман адам элни бир-бирине джау этер.
- Байдан умут эте, джарлыдан ёгюз багъасы къорады.
- Ата – баланы уясы.