- Иги болса, тамадама – махтау, аман болса, меннге – айыб.
- Кесине гебен этелмеген, биреуге черен эте эди.
- Эри аманны, къатыны – аман.
- Адебсиз адам – джюгенсиз ат.
- Къарт болгъан джерде, берекет болур, сабий болгъан джерде, оюн болур.
- Къанны къан бла джуума, аманны аман бла къуума.
- Чёбню кёлтюрсенг, тюбюнден сёз чыгъар.
- Ишлегенде эринме, ишде чолакъ кёрюнме.
- Ётюрюкчюню шагъаты – къатында.
- Ойнаб айтсанг да, эслеб айт.
- Адеб базарда сатылмаз.
- Ауругъан – джашаудан умутчу.
- Ариу сёз аурууунгу алыр.
- Айтханы чапыракъдан ётмеген.
- Хантына кёре тузу, юйюне кёре къызы.
- Акъыл аздырмаз, билим тоздурмаз.
- Сютню башын джалагъан къутулур, тюбюн ичген тутулур.
- Ушамагъан – джукъмаз.
- Болджал ишни бёрю ашар.
- Ашхы адам – халкъ байлыгъы, ашхы джер – джашау байлыгъы.
- Джаш болсун, къыз болсун, акъылы, саны тюз болсун.
- Къошда джокъгъа – юлюш джокъ.
- Иги адам абынса да, джангылмаз.
- Юре билмеген ит, къонакъ келтирир.
- Бастасын ашагъан, хантусун да ичер.
- Чарсда алчыны эл кёреди.
- Джашынгы кесинг юретмесенг, джашау юретир.
- Мал кёб болса, джууукъ кёб болур.
- Чакъырылгъанны аты, чакъырылмагъанны багъасы болур.
- Джангыз торгъай джырламаз.
- Этни да ашады, бетни да ашады.
- Аууз сакълагъан – джан сакълар.
- Эм ашхы къайын ана мамукъ бла башынгы тешер.
- Ариу – кёзге, акъыл – джюрекге.
- Биреуню тёрюнден, кесинги эшик артынг игиди.
- Уллу сёзде уят джокъ.
- Бек анасы джыламаз.
- Айранны сюйген, ийнек тутар.
- Арба аугъандан сора, джол кёргюзтюучю кёб болур.
- Ата джурт – алтын бешик.
- Ашатыргъа иш – ашхы, ишлетирге аш – ашхы.
- Джаханимни кёрмей, джандетге кёл салмазса.
- Чалманны аллы къалай башланса, арты да алай барады.
- Ач да бол, токъ да бол – намысынга бек бол.
- Сагъышы джокъ – джукъучу, акъылы джокъ – къаугъачы.
- Танг атмайма десе да, кюн къоярыкъ тюйюлдю.
- Джылкъыдан – ат чыгъар, тукъумдан – джаш чыгъар.
- Аллахха ийнаннган кишини, Аллах онгдурур ишин.
- Ёлмесенг да, къарт дамы болмазса?
- Адамны аманы адамны бети бла ойнар.