- Чакъырылмай келген къонакъ сыйланмай кетер.
- Ашлыкъны арба юйге келтирир, чана базаргъа элтир.
- Атадан ёксюз – бир ёксюз, анадан ёксюз – эки ёксюз.
- Эртде тургъан бла эртде юйленнген сокъуранмаз.
- Татлы сёз – балдан татлы.
- Тик ёргени, тик энгишгеси да болады.
- Билим – акъылны чырагъы.
- Ата – билек, ана – джюрек!
- Тынгылагъан тынгы бузар.
- Экиндини кеч къылсанг, чабыб джетер ашхам.
- Тау башында, тау болмаз, джангыз терек, бау болмаз.
- Къайтырыкъ эшигинги, къаты уруб чыкъма.
- Рысхы – насыбха къор.
- Чомартха хар кюн да байрамды.
- Биреу ашаб къутулур, биреу джалаб тутулур.
- Хар сёзню орну барды.
- Аджал соруб келмез, келсе, къайтыб кетмез.
- Иги адамны бир сёзю эки болмаз.
- Айтылгъан сёз ызына къайтмаз.
- Чакъырылмагъан къонакъ къачан кетерин сормаз.
- Намыс болмагъан джерде, насыб болмаз.
- Тойгъан джерге джети къайт.
- Оюмсуз атлагъан, аджалсыз ёлюр.
- Бал ашаргъа сюе эсенг, чибин ургъаннга тёз.
- Къартны бурнун сюрт да, оноугъа тут.
- Тулпарлыкъ, билекден тюл – джюрекден.
- Азыгъы аз, алгъа къабар, аты аман, алгъа чабар.
- Бозаны арты дауур болур.
- Билимли ёлмез, билимсиз кёрмез.
- Шайтан алдады, тюзлюк къаргъады.
- Джюз элде джюз ёгюзюм болгъандан эсе, джюз джууугъум болсун.
- Джумушакъ терекни къурт ашар.
- Айтханы чапыракъдан ётмеген.
- Къызбайны юйюне дери сюрсенг, батыр болур.
- От этилмеген джерден тютюн чыкъмайды.
- Ашда – бёрю, ишде – ёлю.
- Мал ёлсе, сюек къалыр, адам ёлсе, иши къалыр.
- Къобан да къуру да къобханлай турмайды, адам да къуру да патчахлай турмайды.
- Мухар, кеси тойса да, кёзю тоймаз.
- Эли джокъну – кёлю джокъ.
- Юйюнг бла джау болгъандан эсе, элинг бла джау бол.
- Бир абыннган – минг сюрюнюр.
- Къарнынг бла ёч алма.
- Насыб бютеу халкъны юлюшюдю.
- Окъдан джара эртде-кеч болса да бителир, сёз джара, ёмюрге къалыр.
- Намысы болмагъанны, сыйы болмаз.
- Битмегеннге сакъал – танг.
- Тойгъа барсанг, тоюб бар, эски тонунгу къоюб бар.
- Суу да къайтады чыкъгъан джерине.
- Таш ата билмеген, башына урур.
|
мираж
|
