Эльбрусоид :: Эльбрусоид

Ашхы атаны – джашы ашхы, ашхы ананы – къызы ашхы.
Къумурсхала джыйылсала, пилни да джыгъадыла.
Аурууну келиую тынч, кетиую – къыйын.
Эркиши – от, тиширыу – суу.
Билимсиз иш бармаз.
Бир абыннган – минг сюрюнюр.
Окъугъанны бети джарыкъ.
Джарашыу сюйген – джалынчакъ.
Къайгъыны сюйген, къайгъы табар.
Тил – миллетни джаны.
Эм уллу байлыкъ – джан саулукъ.
Тиширыусуз юй – отсуз от джагъа.
Кийимни бир кюнню аясанг, минг кюннге джарар.
Орундукъ тюбюнде атылсам да, орта джиликме, де да айлан.
Гугурук къычырмаса да, тангны атары къалмаз.
Тил бла келеди джыр да.
Бастасын ашагъан, хантусун да ичер.
Байны оноуу, джарлыгъа джарамаз.
Борчунг бар эсе, хурджунунга ойлаб узал.
Аш берме да, къаш бер.
Терек ауса, отунчу – кёб.
Нарт сёз – тилни бети.
Тенгинг джокъ эсе – изле, бар эсе – сакъла!
Джырчы ёлсе, джыры къалыр.
Адам сёзге тынгыла, акъыл сёзню ангыла.
Кёб ант этген, кёб ётюрюк айтыр.
Джуртун къоругъан озар.
Ашатыргъа иш – ашхы, ишлетирге аш – ашхы.
Тамырсыз терекге таянма – джыгъылырса.
Билимден уллу байлыкъ джокъду.
Ёнгкюч къууана барыр, джылай келир.
Акъыл бла адеб эгизледиле.
Аман адамны тепсинге олтуртсанг, къызынгы тилер.
Узун джолну барсанг, бюгюн келирсе, къысха джолну барсанг, тамбла келирсе.
Кесинг сынамагъан затны, адамгъа буюрма.
Огъурлуну сёзю – суу, огъурсузну сёзю – уу.
Юреннген ауруу къалмаз.
Ётюрюкню башын керти кесер.
Ёксюзню къалачы уллу кёрюнюр.
Ата Джуртча джер болмаз, туугъан элча эл болмаз.
Иги джашны ышаны – аз сёлешиб, кёб тынгылар.
Эрни эр этерик да, къара джер этерик да, тиширыуду.
Тай асырагъан, атха минер.
Накъырда – кертини келечиси.
Байлыкъ келсе, акъыл кетер.
Иги болса, тамадама – махтау, аман болса, меннге – айыб.
Къазанчы аман болса, къазаны къайнамаз.
Билмегенинги, билгеннге сор.
Кесинге джетмегенни, кёб сёлешме.
Эл ауузу – элия.