- Босагъа таш юйге кирмей эди, тыбыр таш эшикге чыкъмай эди.
- Ашхы адам – халкъ байлыгъы, ашхы джер – джашау байлыгъы.
- Айран ичген – къутулду, джугъусун джалагъан – тутулду.
- Аш иеси бла татлыды.
- Эринчекни аурууу – кёб.
- Тойгъанлыкъ къойгъа джарашады.
- Таукел адам тау тешер.
- Джарлы джети элни сёзюн этер.
- Хатерли къул болур.
- Тилчи бир сагъатха айлыкъ хата этер.
- Татлы тилде – сёз ариу, чемер къолда – иш ариу.
- Тёрдеги кюлсе, эшикдеги ышарыр.
- Сескекли кесин билдирир.
- Сагъышы джокъ – джукъучу, акъылы джокъ – къаугъачы.
- Тынгылагъан тынгы бузар.
- Мен да «сен», дейме, сен да «кесим», дейсе.
- Сёз – кюмюш, джыр – алтын.
- Хаухну атма, ёнгкючню сатма.
- Чабакъсыз кёлге къармакъ салгъанлыкъгъа, чабакъ тутмазса.
- Ёмюрлюк шохлукъну джел элтмез.
- Джаз бир кюнню джатсанг, къыш талай кюнню абынырса.
- Къонакъ кёб келюучю юйню, къазаны отдан тюшмез.
- Аллахха ийнаннган кишини, Аллах онгдурур ишин.
- Джырчы джырчыгъа – къарнаш.
- Тойгъа алгъа да барма, тойда артха да къалма.
- Ёнгкюч къууана барыр, джылай келир.
- Келгинчи, къонакъ уялыр, келгенден сора, къонакъбай уялыр.
- Ачылгъан эт джабылыр, кёрген кёз унутмаз.
- Къарын къуру болса, джюрек уру болур.
- Айтылгъан сёз ызына къайтмаз.
- Кёл – къызбай, къол – батыр.
- Уллу сёлешме да, уллу къаб.
- Эл тойса, тоймагъан, эл къойса, къоймагъан.
- Этни бети бла шорпасы.
- Кёб джат да, бек чаб.
- Джылкъыдан – ат чыгъар, тукъумдан – джаш чыгъар.
- Акъыл неден да кючлюдю.
- Шекер бла туз – бир болмаз, ушамагъан – юй болмаз.
- Чакъырылмагъан къонакъ – орунсуз.
- Адам къыйынлыгъын кёлтюрюр, зауукълугъун кёлтюрмез.
- Ишлемеген – тишлемез.
- Садакъачыны джаны – къапчыгъында.
- Элни кючю – эмеген.
- Суу ичген шауданынга тюкюрме.
- Халкъны джырын джырласанг, халкъ санга эжиу этер.
- Бозанг болмагъан джерге, къалагъынгы сукъма.
- Тамырсыз терекге таянма – джыгъылырса.
- Айыбны суу бла джууалмазса.
- «Ёгюз, джаргъа джууукъ барма, меннге джюк боллукъса», - дегенди эшек.
- Сибиртки да сыйлы болду, кюрек да кюнлю болду.