- Ашыкъгъан cуу, тенгизге джетмез.
- Зарда марда джокъ.
- Уллу айтханны этмеген – уллаймаз.
- Къыйынлы джети элни къайгъысын этер.
- Ёгюзню мюйюзлери ауурлукъ этмейдиле.
- Тюзлюк тас болмайды.
- Эл элде бирер малынг болгъандан эсе, бирер тенгинг болсун.
- Къозулугъунда тоймагъан, къойлугъунда тоймаз.
- Аман адамны тепсинге олтуртсанг, къызынгы тилер.
- Эски джаугъа ышанма.
- Къарыусузгъа кюлме, онгсузгъа тийме.
- Кюлме джашха – келир башха.
- Булут кёкге джарашыу, уят бетге джарашыу.
- Келинни – келгинчи, бёркню кийгинчи кёр.
- Арба аугъандан сора, джол кёргюзтюучю кёб болур.
- Кийимни бир кюнню аясанг, минг кюннге джарар.
- Ана кёлю – балада, бала кёлю – талада.
- Билмейме деген – бир сёз
- Намысы болмагъанны, сыйы болмаз.
- Кёб джат да, бек чаб.
- Ашда – бёрю, ишде – ёлю.
- Ауругъан – джашаудан умутчу.
- Сютден ауузу кюйген, суугъа юфгюре эди.
- Татлы сёз – балдан татлы.
- Атынг аманнга чыкъгъандан эсе, джанынг тамагъынгдан чыкъсын.
- Эшекге миннген – биринчи айыб, андан джыгъылгъан – экинчи айыб.
- От кюйдюрген, сау болса да, тот кюйдюрген, сау болмаз.
- Тёрени джагъы джокъ.
- Эки итни арасына сюек атма, эки адамны арасында сёз чыгъарма.
- Бойнуму джети джерден кессенг да, мен ол ишни этеллик тюлме.
- Кирсизни – саны таза, халалны – къаны таза.
- Абынмазлыкъ аякъ джокъ, джангылмазлыкъ джаякъ джокъ.
- Ауругъаннга – кийик саулукъ, джетген къызгъа – чилле джаулукъ.
- Суугъа – таянма, джаугъа – ийнанма.
- Къыз келсе, джумуш эте келеди, къатын келсе, ушакъ эте келеди.
- Къарнынг ауруса, ауузунгу тый
- Окъугъан озар, окъумагъан тозар.
- Къызны минг тилер, бир алыр.
- Ашыкъгъанны этеги бутуна чырмалыр.
- Агъач халкъгъа алтынды, иссиликге салкъынды.
- Тешигини къатында, чычхан да батыр болур.
- Дуния малгъа сатылма, кесингден телиге къатылма.
- Кеси юйюмде мен да ханма.
- Аз сёлешген, къайгъысыз турур.
- Ата джурт – алтын бешик.
- Джылкъыдан – ат чыгъар, тукъумдан – джаш чыгъар.
- Ёзденликни кёбю ётюрюк.
- Ишни ахырын ойламай, аллын башлама.
- Аджаллыгъа окъсуз шкок атылыр.
- Халкъны джырын джырласанг, халкъ санга эжиу этер.