Эльбрусоид :: Эльбрусоид

Таула не мийик болсала да, аууш табылыр.
Ашлыкъны арба юйге келтирир, чана базаргъа элтир.
Ханы къызы буюгъа-буюгъа киштик болду.
Сормай – алма, чакъырылмай – барма.
Ёлген аслан – сау чычхан.
Ариу сёзде ауруу джокъ.
Аурууну келиую тынч, кетиую – къыйын.
Экиндини кеч къылсанг, чабыб джетер ашхам.
Аджашхан тёгерек айланыр.
Эте билген, этген этеди, эте билмеген, юретген этеди!
Биреуню тёрюнден, кесинги эшик артынг игиди.
Джолунга кёре – джюрюшюнг, джагъанга кёре – юлюшюнг.
Кёбге таш атма.
Соргъан айыб тюлдю, билмеген айыбды.
Окъугъан – асыу, окъумагъан – джарсыу.
Мураты болгъанны джюрек тебюую башхады.
Джети тилни билген джети кишиди.
Тойгъа барсанг, тоюб бар, эски тонунгу къоюб бар.
Джан саулукъ бермей, сан саулукъ бермезсе.
Къошда джокъгъа – юлюш джокъ.
Сибиртки да сыйлы болду, кюрек да кюнлю болду.
Дуния малгъа сатылма, кесингден телиге къатылма.
Ёлюр джаннга, ёкюл джокъ.
Садакъачыны джаны – къапчыгъында.
Ишленмеген джаш – джюгенсиз ат, ишленмеген къыз – тузсуз хант.
Кюлме джашха – келир башха.
Бир абыннган – минг сюрюнюр.
Аманнга игилик этсенг, юйюнге сау бармазса.
Сескекли кесин билдирир.
Чомартны къолун джокълукъ байлар.
Ёксюзню къалачы уллу кёрюнюр.
Бал – татлы, балдан да бала – татлы.
Тай асырагъан, атха минер.
Ёгюзню мюйюзлери ауурлукъ этмейдиле.
Насыб бютеу халкъны юлюшюдю.
Тилчи бир сагъатха айлыкъ хата этер.
Джюрекге ариу – кёзге да ариу.
Башы ишлегенни, ауузу да ишлер.
Ашхы тенг джолгъа салыр, аман тенг джолдан тайдырыр.
Иесиз малны бёрю ашар.
Насыблы элин сюер, насыбсыз кесин сюер.
Сабыр джетер муратха, сабырсыз къалыр уятха.
Шайтан алдады, тюзлюк къаргъады.
Аджалсыз ёлюм болмаз.
Къыйынлы джети элге оноу этер.
Огъурлуну сёзю – суу, огъурсузну сёзю – уу.
Уллу къазанда бишген эт, чий къалмаз.
Aдам боллукъ, сыфатындан белгили.
Тили узунну, намысы – къысха.
Булут кёкге джарашыу, уят бетге джарашыу.