- Сабыр джетер муратха, сабырсыз къалыр уятха.
- Чомарт къонакъ юй иесин сыйлар.
- Чомарт джарлы болмаз.
- Джыгъылгъанны сырты джерден тоймаз.
- Тёрени джагъы джокъ.
- Тыш элде солтан болгъандан эсе, кесинги элде олтан болгъан игиди!
- Джумушакъ сёз къаты таякъны сындырыр.
- Урунуу – насыбны анасы.
- Суу кетер, таш къалыр.
- Кёбден умут этиб, аздан къуру къалма.
- Ашына кёре табагъы, балына кёре къалагъы.
- Уллу сёлешме да, уллу къаб.
- Джеринден айырылгъан – джети джылар, джуртундан айырылгъан – ёлгюнчю джылар.
- Чомартны къолун джокълукъ байлар.
- Кечеси – аяз, кюню – къыш, джарлы къаргъагъа бир аш тюш!
- Къонакъ хазыр болгъанлыкъгъа, къонакъбай хазыр тюлдю.
- Ариу сёз – джаннга азыкъ, аман сёз – башха къазыкъ.
- Тойгъа алгъа да барма, тойда артха да къалма.
- Окъуусуз билим – джокъ, билимсиз кюнюнг – джокъ.
- Ауурну тюбю бла, дженгилни башы бла джюрюген.
- Хар сёзню орну барды.
- Аджалсыз ёлюм болмаз.
- Айтхан – тынч, этген – къыйын.
- Къар – келтирди, суу – элтди.
- Ата Джуртун танымагъан, атасын да танымаз.
- Бети къызарыучу адамны, джюреги харам болмаз.
- Кюлме джашха – келир башха.
- Иги сеники эсе да, сюйген кесимикин этеме.
- Харам къарнашдан, халал тенг ашхы.
- Хар адамгъа кеси миннген тау кибик.
- Керек ташны ауурлугъу джокъ.
- Тамбла алтындан бюгюн багъыр ашхы.
- Халкъны джырын джырласанг, халкъ санга эжиу этер.
- Таукел тауну аудурур.
- Къатын къылыкъсыз, эр тынчлыкъсыз.
- Ариу сёз аурууунгу алыр.
- Хаухну атма, ёнгкючню сатма.
- Кёл – къызбай, къол – батыр.
- Магъанасыз сёз – тауушсуз сыбызгъы.
- Чакъырылмагъан къонакъ тёрге атламаз.
- Къолунгдан къуймакъ ашатсанг да, атаны борчундан къутулмазса.
- Ёксюзню тилеги къабыл болур.
- Эринчекге кюн узун.
- Бети – къучакълар, джюреги – бычакълар.
- Джарашыу сюйген – джалынчакъ.
- Нарт сёз – тилни бети.
- Кёлсюзден сёзсюз тууар.
- Баргъанынга кёре болур келгенинг.
- Кёзю сокъурдан – къоркъма, кёлю сокъурдан – къоркъ.
- Бичгенде ашыкъма, тикгенде ашыкъ.