Эльбрусоид :: Эльбрусоид

Арбаз сайлама да, хоншу сайла.
Ким бла джюрюсенг, аны кёзю бла кёрюнюрсе.
Бир онгсуз адам адет чыгъарды, деб эштирик тюлсе.
Кёз – сюйген джерде, къол – ауругъан джерде.
Сютню башын джалагъан къутулур, тюбюн ичген тутулур.
Байма, деб да, къууанма, джарлыма, деб да, джылама.
Джаным-тиним – окъуу, билим.
Терек ауса, отунчу – кёб.
Этим кетсе да, сюегим къалыр.
Джюрек кёзден алгъа кёрюр.
Къатыны харакетли болса, эри къымсыз болур.
Кюл тюбюндеги от кёрюнмейди.
Билимли ёлмез, билимсиз кёрмез.
Ауузу бла къуш тута айланады.
Кёб джат да, бек чаб.
Эринчекни аурууу – кёб.
Ишлегенден, къарагъан уста.
Къозулугъунда тоймагъан, къойлугъунда тоймаз.
Бети къызарыучу адамны, джюреги харам болмаз.
Сангырау къулакъ эл бузар.
Айныгъанлы алты кюн, тогъайгъанлы тогъуз кюн.
Акъыллы айтыр эди, акъылсыз къоймайды.
Эшекге миннген – биринчи айыб, андан джыгъылгъан – экинчи айыб.
Ат басханны джер билед.
Ата Джуртун танымагъан, атасын да танымаз.
Чакъырылмагъан джерге барма, чакъырылгъан джерден къалма.
Кесине гебен этелмеген, биреуге черен эте эди.
Экеу тутушса, биреу джыгъылыр.
Байны оноуу, джарлыгъа джарамаз.
Ишлегенде эринме, ишде чолакъ кёрюнме.
Келинин тута билмеген, къул этер, къызын тута билмеген, тул этер.
Уллу сёлешме да, уллу къаб.
Намыс болмагъан джерде, насыб болмаз.
Ариу сёз джыланны орнундан чыгъарыр.
Аман адамны тепсинге олтуртсанг, къызынгы тилер.
Къууут – джелге, берне – бошха.
Айраннга суу къош, телиге джол бош.
Сабий кёргенин унутмаз.
Тешик этген тынчды, аны джамагъан къыйынды.
Ачны эсинде – аш.
Бети бедерден, намыс сакълама.
Таукел адам тау тешер.
Аман киши кеси юйюнде – къонакъ.
Кийим тукъум сордурур.
Аман хансны – урлугъу кёб.
Рысхысына кёре, джаш ёсер, къышлыгъына кёре, мал ёсер.
Билмегенинги, билгеннге сор.
Эл бла кёргенинг эрелей.
Урунуу – насыбны анасы.
Билим ат болуб да чабар, къуш болуб да учар.