- Суугъа – таянма, джаугъа – ийнанма.
- Билмейме деген – бир сёз
- Ёмюрлюк шохлукъну джел элтмез.
- Джаханимни кёрмей, джандетге кёл салмазса.
- Хунаны тюбюн къазсанг, юсюнге ауар.
- Тилсиз миллет джокъ болур.
- Ким бла джюрюсенг, аны кёзю бла кёрюнюрсе.
- Билимден уллу байлыкъ джокъду.
- Билеги кючлю, бирни джыгъар, билими кючлю, мингни джыгъар.
- Рысхы джалгъанды: келген да этер, кетген да этер.
- Адеб базарда сатылмаз.
- Малны кют, джерни тюрт.
- Ёгюзню мюйюзлери ауурлукъ этмейдиле.
- Сёз къанатсыз учар.
- Эшекни не къадар тюйсенг да, ат болмаз.
- Акъыл неден да кючлюдю.
- Таукел къуру къалмаз.
- Тёрдеги кюлсе, эшикдеги ышарыр.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Джюрекден джюрекге джол барды.
- Акъыллы башны – тили къысха.
- Баланы адам этген анады.
- Кюн кёрмеген, кюн кёрсе, кюндюз чыракъ джандырыр.
- От этилмеген джерден тютюн чыкъмайды.
- Ышармагъан – кюлмез, кюлмеген – къууанчны билмез.
- Танг атмайма десе да, кюн къоярыкъ тюйюлдю.
- Къобан да къуру да къобханлай турмайды, адам да къуру да патчахлай турмайды.
- Туз, гырджын аша, тюзлюк бла джаша.
- Къызны минг тилер, бир алыр.
- Чоюнну башы ачыкъ болса, итге уят керекди.
- Келгинчи, къонакъ уялыр, келгенден сора, къонакъбай уялыр.
- Намыс сатылыб алынмайды.
- Кёлсюзден сёзсюз тууар.
- Бети бедерден, намыс сакълама.
- Узун джолну барсанг, бюгюн келирсе, къысха джолну барсанг, тамбла келирсе.
- Аджашхан тёгерек айланыр.
- Байны къызы баймакъ болса да, юйде къалмаз!
- Ашха уста, юйюнде болсун
- Биреу къой излей, биреу той излей.
- Чомартны къолу берекет.
- Бюгюн дуния кибик, тамбла ахыратды.
- Джаш къарыу бла кючлю, къарт акъыл бла кючлю.
- Аджашханны ызындагъы кёреди, джангылгъанны джанындагъы биледи.
- Джетген къыз джерли эшекни танымаз.
- Ауурну тюбю бла, дженгилни башы бла джюрюген.
- Ишлегенде эринме, ишде чолакъ кёрюнме.
- Халкъны юйю – туугъан джери.
- Мени джылытмагъан кюн, меннге тиймесин!
- Аллахха ийнаннган кишини, Аллах онгдурур ишин.
- Ишлегенден, къарагъан уста.