- Аман эсирсе, юйюн ояр.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Ачны эсинде – аш.
- Тамбла алтындан бюгюн багъыр ашхы.
- Джырчы ёлсе, джыры къалыр.
- Рысхы – насыбха къор.
- Окъуусуз билим – джокъ, билимсиз кюнюнг – джокъ.
- Аллахха ийнаннган кишини, Аллах онгдурур ишин.
- Уруну арты – къуру.
- Къатын байлыкъны сюер, эр саулукъну сюер.
- Ёмюрлюк шохлукъну джел элтмез.
- Эшекни не къадар тюйсенг да, ат болмаз.
- Тойгъа барсанг, тоюб бар, эски тонунгу къоюб бар.
- Ач келгенни – тойдур, кеч келгенни – къондур.
- Акъыллы эркиши атын махтар, акъылсыз эркиши къатынын махтар.
- Бир абыннган – минг сюрюнюр.
- Къобан да къуру да къобханлай турмайды, адам да къуру да патчахлай турмайды.
- Гитче джилтин уллу элни джандырыр.
- Таукел къуру къалмаз.
- Адам сёзюнден белгили.
- Адамны сыфатына къарама, сёзюне къара.
- Бек анасы джыламаз.
- Садакъачыны джаны – къапчыгъында.
- Ач, тоймам, дейди, тойгъан, ач болмам, дейди.
- Юйюнгден чыкъдынг – кюнюнгден чыкъдынг.
- Кирсизни – саны таза, халалны – къаны таза.
- Кимни – тили, тиши онглу, кимни – къолу, иши онглу.
- Ана къолу ачытмаз.
- Этим кетсе да, сюегим къалыр.
- Биреуню тёрюнден, кесинги эшик артынг игиди.
- Кёбден умут этиб, аздан къуру къалма.
- Иесиз малны бёрю ашар.
- Эки къатын алгъан – эки ташны ортасына башын салгъан.
- Дуния малгъа сатылма, кесингден телиге къатылма.
- Чабакъсыз кёлге къармакъ салгъанлыкъгъа, чабакъ тутмазса.
- Ким бла джюрюсенг, аны кёзю бла кёрюнюрсе.
- Айтхан сёзюне табылгъан.
- Ишни ахырын ойламай, аллын башлама.
- Юреннген ауруу къалмаз.
- Кийимни бичсенг, кенг бич, тар этген къыйын тюлдю.
- Эринчекни аурууу – кёб.
- Намысы джокъну – дуниясы джокъ.
- Чомарт бергенин айтмаз.
- Киштикге къанат битсе, чыпчыкъ къалмаз эди.
- Арпа, будай – ащды, алтын, кюмюш а – ташды.
- Иги адамны бир сёзю эки болмаз.
- Джарашыу сюйген – джалынчакъ.
- Артына баргъанны, къатына барма.
- Агъач халкъгъа алтынды, иссиликге салкъынды.
- Тойчу джашха къарама, къойчу джашха къара.