Эльбрусоид :: Эльбрусоид

Кёб джашагъан – кёб билир.
Хар ишни да аллы къыйынды.
Иги бла джюрюсенг, джетерсе муратынга, аман бла джюрюсенг, къалырса уятха.
Адам къаллай бир ишленмесе, аллай бир кесин уллу кёреди.
Уллу атлама – абынырса, уллу къабма – къарылырса.
Чакъырылмагъан къонакъ – орунсуз.
Ариу сёз – джаннга азыкъ, аман сёз – башха къазыкъ.
Ёзденликни кёбю ётюрюк.
Ариу сёз – къылычдан джити.
Сютню башын джалагъан къутулур, тюбюн ичген тутулур.
Ашатыргъа иш – ашхы, ишлетирге аш – ашхы.
Ёлген эшек бёрюден къоркъмайды.
Бермеген къол, алмайды.
Ач къалгъандан, кеч къалгъан къолай.
Ётюрюкден тюбю джокъ, кёлтюрюрге джиби джокъ.
Джолда аягъынга сакъ бол, ушакъда тилинге сакъ бол.
Ариу сёз аурууунгу алыр.
Къонакъ болсанг, ийнакъ бол.
Ач уят къоймаз.
Аджашханны ызындагъы кёреди, джангылгъанны джанындагъы биледи.
Ушамагъан – джукъмаз.
Тас болгъан бычакъны сабы – алтын.
Джерни букъусу кёкге къонмаз.
Болджал ишни бёрю ашар.
Къобан да къуру да къобханлай турмайды, адам да къуру да патчахлай турмайды.
Битмегеннге сакъал – танг.
Эшекни не къадар тюйсенг да, ат болмаз.
Сёлеш деб шай берген, тохта деб, сом берген.
Биреуню къыйынлыгъы бла кесинге джол ишлеме.
Ханнга да келеди хариблик.
Джашлыкъ этмеген, башлыкъ этмез.
Гугук кесини атын айтыб къычыргъанча, мен, мен деб нек тураса?
Эркишиге тары кебек танг кёрюнюр.
Ургъан суудан башынгы сакъла.
Джеринден айырылгъан – джети джылар, джуртундан айырылгъан – ёлгюнчю джылар.
Экиндини кеч къылсанг, чабыб джетер ашхам.
Кийимни бир кюнню аясанг, минг кюннге джарар.
Аман къатын алгъан, арыр, иги къатын алгъан джарыр.
От этилмеген джерден тютюн чыкъмайды.
Ариу сёз джыланны орнундан чыгъарыр.
Кёб джат да, бек чаб.
Айранны сюйген, ийнек тутар.
Иши джокъну, сыйы джокъ.
Нёгерсизни джолу узун.
Акъдан къара болмаз.
Дженгил джетерикме деб, узун джолну къоюб, къысхасын барма.
Тай асырагъан, атха минер.
Ашлыкъ – бюртюкден, джюн – тюкден.
Башланнган иш битер, къымылдагъан тиш тюшер.
Арба аугъандан сора, джол кёргюзтюучю кёб болур.