Эльбрусоид :: Эльбрусоид

Юй кюйдю да, кюйюз чыкъды, ортасындан тюйюш чыкъды.
Эм уллу байлыкъ – джан саулукъ.
Бети къызарыучу адамны, джюреги харам болмаз.
Шайтан алдады, тюзлюк къаргъады.
Ариу сёз джыланны орнундан чыгъарыр.
Дженгил джетерикме деб, узун джолну къоюб, къысхасын барма.
Сютден ауузу кюйген, суугъа юфгюре эди.
Атлыны кёрсе, джаяуну буту талыр.
От кюйдюрген, сау болса да, тот кюйдюрген, сау болмаз.
Сёз садакъдан кючлюдю.
Бек ашыкъгъан меннге джетсин, дегенди аракъы.
Окъумагъан сокъурду, сокъур ташха абыныр!
Юйюнгден чыкъдынг – кюнюнгден чыкъдынг.
Аджаллыгъа окъсуз шкок атылыр.
Агъач халкъгъа алтынды, иссиликге салкъынды.
Биреу ашаб къутулур, биреу джалаб тутулур.
Адеб этмеген, адеб кёрмез.
Адамны аманы адамны бети бла ойнар.
Ауругъан – джашаудан умутчу.
Ишлемеген – тишлемез.
Таукел тауну аудурур.
Оюмсуз атлагъан, аджалсыз ёлюр.
Къозулугъунда тоймагъан, къойлугъунда тоймаз.
Чакъырылмагъан къонакъ къачан кетерин сормаз.
Дууулдаса – бал чибин, къонса – къара чибин.
Чарсда алчыны эл кёреди.
Эртде тургъан джылкъычыны эркек аты тай табар.
Ишни аллы бла къууанма да, арты бла къууан.
Хансыз джомакъ болмаз.
Къызын тута билмеген, тул этер, джашын тута билмеген, къул этер.
Ач бёрюге мекям джокъ.
Баш болса, бёрк табылыр.
Аш кетер да бет къалыр.
Хар ишни да аллы къыйынды.
Эл бла кёргенинг эрелей.
Бал чибинни ургъаны – ачы, балы – татлы.
Биреуню къыйынлыгъы бла кесинге джол ишлеме.
Бетинги сатма, малынгы сат.
Сагъышы джокъ – джукъучу, акъылы джокъ – къаугъачы.
Ёлген ийнек сютлю болур.
Билмейме деген – бир сёз
Къан бла кирген, джан бла чыгъар.
Акъыл сабырлыкъ берир.
Ат да турмайды бир териде.
Ашлыкъны арба юйге келтирир, чана базаргъа элтир.
Татлы тилде – сёз ариу, чемер къолда – иш ариу.
Ариуну – ауруу кёб.
Аман киши кеси юйюнде – къонакъ.
Босагъа таш юйге кирмей эди, тыбыр таш эшикге чыкъмай эди.
Чомартны къолу берекет.