Войти на сайт
28 Марта  2024 года

 

  • Таш ата билмеген, башына урур.
  • Хаухну атма, ёнгкючню сатма.
  • Къарт айтханны этмеген, къартаймаз.
  • Ёксюзню тилеги къабыл болур.
  • Намысы джокъну – дуниясы джокъ.
  • Тилсиз миллет джокъ болур.
  • Насыб бютеу халкъны юлюшюдю.
  • Шапа кёб болса, аш татымсыз болур.
  • Къонакъны къачан кетерин сорма, къачан келлигин сор.
  • Чакъырылмагъан джерге барма, чакъырылгъан джерден къалма.
  • Гугурук къычырмаса да, тангны атары къалмаз.
  • Джумушакъ сёз къаты таякъны сындырыр.
  • Аз сёлешген, къайгъысыз турур.
  • Къайтырыкъ эшигинги, къаты уруб чыкъма.
  • Ашда уялгъан – мухар, ишде уялгъан – хомух.
  • Аманны къуугъан, аманлыкъ табар.
  • Кийимни бичсенг, кенг бич, тар этген къыйын тюлдю.
  • Джыгъылгъанны сырты джерден тоймаз.
  • Борчунг бар эсе, хурджунунга ойлаб узал.
  • Кёл – къызбай, къол – батыр.
  • Окъ къызбайны джокълайды.
  • Ата – билек, ана – джюрек!
  • Айтханы чапыракъдан ётмеген.
  • Атлыны ашхысы, ат тизгининден билинир
  • Акъыллы эркиши атын махтар, акъылсыз эркиши къатынын махтар.
  • Хатерли къул болур.
  • Эринчекни эр алмаз, эр алса да, кёл салмаз, кёл салса да, кёб бармаз!
  • Эл ауузу – элек, анга ийнаннган – халек.
  • Тойчу джашха къарама, къойчу джашха къара.
  • Таугъа чыгъаллыкъ эсенг, тюзде къалма.
  • Джылкъыдан – ат чыгъар, тукъумдан – джаш чыгъар.
  • Джангыз терек къынгыр ёсер.
  • Кёб джашагъан – кёб билир.
  • Байлыкъ болгъан джерде, тынчлыкъ джокъду.
  • Ушамагъан – джукъмаз.
  • Тик ёргени, тик энгишгеси да болады.
  • Ата Джуртуму башы болмасам да, босагъасында ташы болайым.
  • Байны оноуу, джарлыгъа джарамаз.
  • Аманнга игилик этсенг, юйюнге сау бармазса.
  • Арпа, будай – ащды, алтын, кюмюш а – ташды.
  • Аллахха ийнаннган кишини, Аллах онгдурур ишин.
  • Адамны аманы адамны бети бла ойнар.
  • Терслик кетер, тюзлюк джетер.
  • Кюн кёрмеген, кюн кёрсе, кюндюз чыракъ джандырыр.
  • Адамны адамлыгъы къыйынлыкъда айгъакъланады.
  • Кирсизни – саны таза, халалны – къаны таза.
  • Аджаллыгъа окъсуз шкок атылыр.
  • Аджал соруб келмез, келсе, къайтыб кетмез.
  • Аман къатын алгъан, арыр, иги къатын алгъан джарыр.
  • Накъырда – кертини келечиси.
О нас » Alla ^_^
Новый альбом
27.06.2012
Написать нам