Эльбрусоид :: Эльбрусоид

Ханнга да келеди хариблик.
Намыс сатылыб алынмайды.
Кёбге таш атма.
Ауругъаннга – кийик саулукъ, джетген къызгъа – чилле джаулукъ.
Джюрекге ариу – кёзге да ариу.
Дуния мал дунияда къалады.
Джылар джаш, атасыны сакъалы бла ойнар.
Ёзденликни джайгъан – джокълукъ.
Чарсда алчыны эл кёреди.
Тели турса – той бузар.
Джарлыны тону джаз битер.
Башда акъыл болмаса, эки аякъгъа кюч джетер.
Эки къатын алгъанны къулагъы тынгнгаймаз.
Элиб деген, элге болушур.
Бек анасы джыламаз.
Ач да бол, токъ да бол – намысынга бек бол.
Тулпарлыкъ, билекден тюл – джюрекден.
Адамны артындан къара сабан сюрме.
Эртде тургъан джылкъычыны эркек аты тай табар.
Кийимни бир кюнню аясанг, минг кюннге джарар.
Термилгенинги табмазса, кюлгенинге тюберсе.
Къарнынг къанлынга кийирир.
Эр абынмай, эл танымаз.
Сагъыш – къартлыкъгъа сюйюмчю.
Юре билмеген ит, къонакъ келтирир.
Мени джылытмагъан кюн, меннге тиймесин!
Тёрдеги кюлсе, эшикдеги ышарыр.
Садакъачыны джаны – къапчыгъында.
Дуния аламаты сен эсенг да, игиме деб айтма.
Эки итни арасына сюек атма, эки адамны арасында сёз чыгъарма.
Кюлме джашха – келир башха.
Ишлерге уял да, ашаргъа табма.
Сабийликде юретмесенг, уллу болса – тюзелмез.
Арпа, будай – ащды, алтын, кюмюш а – ташды.
Дженгил джетерикме деб, узун джолну къоюб, къысхасын барма.
Джырчы джырчыгъа – къарнаш.
Магъанасыз сёз – тауушсуз сыбызгъы.
Хансыз джомакъ болмаз.
Ауузу бла къуш тута айланады.
Туз, гырджын аша, тюзлюк бла джаша.
Къарнынг бла ёч алма.
Кёзю сокъурдан – къоркъма, кёлю сокъурдан – къоркъ.
Тойгъанлыкъ къойгъа джарашады.
Айтылгъан сёз ызына къайтмаз.
Чакъырылмагъан къонакъ къачан кетерин сормаз.
Насыблы элин сюер, насыбсыз кесин сюер.
Тенги кёбню джау алмаз, акъылы кёбню дау алмаз.
Зар адам ашынгы ашар, кесинги сатар.
Накъырданы арты керти болур.
Эл бла кёргенинг эрелей.