Эльбрусоид :: Эльбрусоид :: День рождения Эльбы 9лет !!!

Къыз чыгъаргъан – къызыл къымжа.
Бюгюн дуния кибик, тамбла ахыратды.
Суу ичген шауданынга тюкюрме.
Айран тёгюлсе, джугъусу къалыр.
Эрни эр этерик да, къара джер этерик да, тиширыуду.
Ётюрюкню къуйругъу – бир тутум.
Сибиртки да сыйлы болду, кюрек да кюнлю болду.
Ата – билек, ана – джюрек!
Аман киши кеси юйюнде – къонакъ.
Башы ишлегенни, ауузу да ишлер.
Атынг аманнга чыкъгъандан эсе, джанынг тамагъынгдан чыкъсын.
Ёлюк кебинсиз къалмаз.
Ётюрюкчюню шагъаты – къатында.
Акъыллы айтыр эди, акъылсыз къоймайды.
Кёбден умут этиб, аздан къуру къалма.
Аз айтсам, кёб ангылагъыз.
Арба аугъандан сора, джол кёргюзтюучю кёб болур.
Хунаны тюбюн къазсанг, юсюнге ауар.
Рысхы – сют юсюнде кёмюк кибикди.
Иги болса, тамадама – махтау, аман болса, меннге – айыб.
Билим ат болуб да чабар, къуш болуб да учар.
Дуния малгъа сатылма, кесингден телиге къатылма.
Гугук кесини атын айтыб къычыргъанча, мен, мен деб нек тураса?
Болджал ишни бёрю ашар.
Билим насыб берир, билим джолну керир.
Ашда – бёрю, ишде – ёлю.
Огъурлуну сёзю – суу, огъурсузну сёзю – уу.
Ана кёлю – балада, бала кёлю – талада.
Таякъ этден ётер, тил сюекден ётер.
Ёзденликни джайгъан – джокълукъ.
Тамбла алтындан бюгюн багъыр ашхы.
Адамны аманы адамны бети бла ойнар.
Ханнга да келеди хариблик.
Дуния аламаты сен эсенг да, игиме деб айтма.
Тил – миллетни джаны.
Хансыз джомакъ болмаз.
Аманнга игилик этсенг, юйюнге сау бармазса.
Тура эдим джата, къайдан чыкъды хата?
Бети – къучакълар, джюреги – бычакълар.
Сакъалы текени да бар, мыйыгъы киштикни да бар.
Чомартны къолун джокълукъ байлар.
Эте билген, этген этеди, эте билмеген, юретген этеди!
Эллинг бла джау болсанг да, юйюнг бла джау болма.
Нарт сёз – тилни бети.
Бёрю да ач къалмасын, эчки да ашалмасын.
Кёб къычыргъандан – къоркъма, тынч олтургъандан – къоркъ.
Бек ашыкъгъан меннге джетсин, дегенди аракъы.
Ачны эсинде – аш.
Кюн – узун, ёмюр – къысха.
Тенги кёбню джау алмаз, акъылы кёбню дау алмаз.