- Тёзген – тёш ашар!
- Садакъачыны джаны – къапчыгъында.
- Аш хазыр болса, иш харам болур.
- Суугъа – таянма, джаугъа – ийнанма.
- Ариу – кёзге, акъыл – джюрекге.
- Тенги кёбню джау алмаз, акъылы кёбню дау алмаз.
- Халкъны юйю – туугъан джери.
- Мал кёб болса, джууукъ кёб болур.
- Байма, деб да, къууанма, джарлыма, деб да, джылама.
- Ата джурт – алтын бешик.
- Артына баргъанны, къатына барма.
- Кёзню ачылгъаны – иги, ауузну джабылгъаны – иги.
- Билимден уллу байлыкъ джокъду.
- Тойчу джашха къарама, къойчу джашха къара.
- Экеулен сёлеше тура эселе, орталарына барыб кирме.
- Аманны къуугъан, аманлыкъ табар.
- Хоншуну тауугъу къаз кёрюнюр, келини къыз кёрюнюр.
- Къаллай салам берсенг, аллай джууаб алырса.
- Окъумагъан сокъурду, сокъур ташха абыныр!
- Берекет берсин деген джерде, берекет болур.
- Нарт сёз – тилни бети.
- Джетген къыз джерли эшекни танымаз.
- Уллу сёзде уят джокъ.
- Джылыгъа джылан илешир.
- Уллу сёлешме да, уллу къаб.
- Джыланны къуйругъундан басарынг келсе, аны башы болгъанын унутма.
- Ашыкъгъан cуу, тенгизге джетмез.
- Хар зат кесини орнуна иги.
- Туз, гырджын аша, тюзлюк бла джаша.
- Ариу сёзде ауруу джокъ.
- Къанны къан бла джуума, аманны аман бла къуума.
- Аллахдан тилесенг, кёб тиле.
- Чомартха хар кюн да байрамды.
- Билеги кючлю, бирни джыгъар, билими кючлю, мингни джыгъар.
- Итли къонакъ джарашмаз.
- Терслик кетер, тюзлюк джетер.
- Шайтан алдады, тюзлюк къаргъады.
- Ашлыкъны арба юйге келтирир, чана базаргъа элтир.
- Джарлы эскисин джамаса, къууаныр.
- Оюмсуз атлагъан, аджалсыз ёлюр.
- Ачыу алгъа келсе, акъыл артха къалады.
- Ачылгъан эт джабылыр, кёрген кёз унутмаз.
- Сангырау къулакъ эл бузар.
- Эл элде бирер малынг болгъандан эсе, бирер тенгинг болсун.
- Чабакъсыз кёлге къармакъ салгъанлыкъгъа, чабакъ тутмазса.
- Къыйынлы джети элге оноу этер.
- Айтылгъан буйрукъ, сёгюлмез
- Ёлген аслан – сау чычхан.
- Игиге айтсанг – билир, аманнга айтсанг – кюлюр.
- Айтхан – тынч, этген – къыйын.