- Аман адам этегингден тутса, кес да къач.
- Таякъ этден ётер, тил сюекден ётер.
- Таукел къуру къалмаз.
- Агъач халкъгъа алтынды, иссиликге салкъынды.
- Билген билмегенни юретген адетди.
- Ишин билген, аны сыйын чыгъарады.
- Кийимни бир кюнню аясанг, минг кюннге джарар.
- Кёлсюзден сёзсюз тууар.
- Ашыкъгъан cуу, тенгизге джетмез.
- Ана къолу ачытмаз.
- Кёз – сюйген джерде, къол – ауругъан джерде.
- Биреуню эскиси биреуге джангы болмайды.
- Зар адам ашынгы ашар, кесинги сатар.
- Джюз элде джюз ёгюзюм болгъандан эсе, джюз джууугъум болсун.
- Кёзден кетген, кёлден да кетеди.
- Къазанчы аман болса, къазаны къайнамаз.
- Тау башында, тау болмаз, джангыз терек, бау болмаз.
- Сабий кёргенин унутмаз.
- Чакъырылмагъан къонакъ тёрге атламаз.
- Иесиз малны бёрю ашар.
- Ач келгенни – тойдур, кеч келгенни – къондур.
- Тура эдим джата, къайдан чыкъды хата?
- Асхат ашлыкъ сата, юйдегиси ачдан къата.
- Бичгенде ашыкъма, тикгенде ашыкъ.
- Джашынгы кесинг юретмесенг, джашау юретир.
- Аджалсыз ёлюм болмаз.
- Ат басханны джер билед.
- Кёзню ачылгъаны – иги, ауузну джабылгъаны – иги.
- Ишни аллы бла къууанма да, арты бла къууан.
- Ауругъан – джашаудан умутчу.
- Джангызны оту джарыкъ джанмаз!
- Билими азны – ауузунда кирит.
- Нарт сёз къарт болмаз.
- Башда акъыл болмаса, эки аякъгъа кюч джетер.
- Ашда – бёрю, ишде – ёлю.
- Кюн кёрмеген, кюн кёрсе, кюндюз чыракъ джандырыр.
- Къобан да къуру да къобханлай турмайды, адам да къуру да патчахлай турмайды.
- Аджашхан тёгерек айланыр.
- Ач – эснер, ат – кишнер.
- Джумушакъ терекни къурт ашар.
- Душманны тышы – акъ, ичи – къара.
- Тюз сёз баргъан сууну тыяр.
- Тамчы таш тешер.
- Тыш элде солтан болгъандан эсе, кесинги элде олтан болгъан игиди!
- Намысы джокъну – дуниясы джокъ.
- Байдан умут эте, джарлыдан ёгюз багъасы къорады.
- Аманны тукъумуна къарама, игини тукъумун сорма.
- Баргъанынга кёре болур келгенинг.
- Адам сёзге тынгыла, акъыл сёзню ангыла.
- Тили узунну, намысы – къысха.
|
Kemal.
|
