- Ишлегенде эринме, ишде чолакъ кёрюнме.
- Кюл тюбюндеги от кёрюнмейди.
- Сууда джау джокъ, кёб сёзде магъана джокъ.
- Чомарт къолда мал къалмаз.
- Аманны эки битли тону болур, бирин сеннге кийдирир, бирин кеси киер.
- Таукел тауну аудурур.
- Ёнгкюч къууана барыр, джылай келир.
- Акъыллы эркиши атын махтар, акъылсыз эркиши къатынын махтар.
- Ачны эсинде – аш.
- Къыз тиширыу кеси юйюнде да къонакъды.
- Магъанасыз сёз – тауушсуз сыбызгъы.
- Ётген ёмюр – акъгъан суу.
- Намысы болмагъанны, сыйы болмаз.
- Ана кёлю – балада, бала кёлю – талада.
- Сютден ауузу кюйген, суугъа юфгюре эди.
- Аш берме да, къаш бер.
- Къошда джокъгъа – юлюш джокъ.
- Айтылгъан сёз ызына къайтмаз.
- Джаханимни кёрмей, джандетге кёл салмазса.
- Тюзлюк тас болмайды.
- Эринчекни аурууу – кёб.
- Сабий кёргенин унутмаз.
- Кимни – тили, тиши онглу, кимни – къолу, иши онглу.
- Термилгенинги табмазса, кюлгенинге тюберсе.
- Биреу ашаб къутулур, биреу джалаб тутулур.
- Оюмсуз атлагъан, аджалсыз ёлюр.
- Тамчы таш тешер.
- Ханнга да келеди хариблик.
- Бал чибинни ургъаны – ачы, балы – татлы.
- Душманны тышы – акъ, ичи – къара.
- Гугук кесини атын айтыб къычыргъанча, мен, мен деб нек тураса?
- Арыгъан къош чамчы болур.
- Аман киши кеси юйюнде – къонакъ.
- Юй кюйдю да, кюйюз чыкъды, ортасындан тюйюш чыкъды.
- Адамны джюреги нени кёрюрге сюйсе, кёзю да аны кёрюрге ёч болады.
- Башы джабылгъан челекге, кир тюшмез.
- Алгъанда – джууукъ, бергенде – джау.
- Билимден уллу байлыкъ джокъду.
- Эл ауузу – элек, анга ийнаннган – халек.
- Дженгил джетерикме деб, узун джолну къоюб, къысхасын барма.
- Ариу джол аджал келтирмез.
- Ашха уста, юйюнде болсун
- От кюйдюрген, сау болса да, тот кюйдюрген, сау болмаз.
- Тёрдеги кюлсе, эшикдеги ышарыр.
- Джангыз терек къынгыр ёсер.
- Билгенни къолу къарны джандырыр.
- Этек чакъмакълары баш джаргъан, сёлешген сёзлери таш джаргъан.
- Джангыз торгъай джырламаз.
- Эр сокъур болсун, къатын тилсиз болсун.
- Аман адам элни бир-бирине джау этер.